影片
更多
2024-06-24
27 浏览
介绍返💁🏻♀️。。🇯🇵 日式料理 在尖沙咀 🇯🇵。鮨一 G One Japanese Restaurant。蓝马商业大厦18-20楼。日本赤崎真蚝 Japan Awaji-Shi Oyster。HKD98 + 10%软壳蟹蜜柑沙律 Soft Shell Crab Mandarin Salad。HKD88 + 10%吞拿鱼牛油果手卷 Tuna & Avocado Hand Roll。HKD58 + 10%鹅肝手卷 Foie Gras Hand Roll。HKD78 + 10%大虾天妇罗反卷 Prawn Tempura Sushi Rolls。HKD128 + 10% @ 6 pcs清酒煮蚬 Boiled Clam with Sake。HKD72 + 10%甲罗烧 Japanese Miso Crab Meat。HKD98 + 10%🤫 早几日碌到有Foodie朋友仔出Post介绍鮨一..手卷好似好靓仔..生蚝又好似好肥美咁..寻晚急不及待约咗阿V去鮨一🤫 我哋被安排坐吧枱..咁其实哩度餐厅舖头仔细细..装修以日系居酒屋为蓝本..座位比较亲密..所以坐吧枱位都有吧枱位嘅好处嘅☺️🤫 嘢食方面
。
。
🇯🇵 日式料理 在尖沙咀 🇯🇵
。鮨一 G One Japanese Restaurant
。蓝马商业大厦18-20楼
。
日本赤崎真蚝 Japan Awaji-Shi Oyster
。HKD98 + 10%
软壳蟹蜜柑沙律 Soft Shell Crab Mandarin Salad
。HKD88 + 10%
吞拿鱼牛油果手卷 Tuna & Avocado Hand Roll
。HKD58 + 10%
鹅肝手卷 Foie Gras Hand Roll
。HKD78 + 10%
大虾天妇罗反卷 Prawn Tempura Sushi Rolls
。HKD128 + 10% @ 6 pcs
清酒煮蚬 Boiled Clam with Sake
。HKD72 + 10%
甲罗烧 Japanese Miso Crab Meat
。HKD98 + 10%
🤫 早几日碌到有Foodie朋友仔出Post介绍鮨一..手卷好似好靓仔..生蚝又好似好肥美咁..寻晚急不及待约咗阿V去鮨一
🤫 我哋被安排坐吧枱..咁其实哩度餐厅舖头仔细细..装修以日系居酒屋为蓝本..座位比较亲密..所以坐吧枱位都有吧枱位嘅好处嘅☺️
🤫 嘢食方面..我第一时间落Order一人一只是日精选真蚝..果然佢真蚝仲可以靓过上镜..是日精选真蚝来自赤崎..两只都相当大只..劲Creamy之余带少少爽口..亦都略带海水味..而最估唔到嘅系配埋佢哋自家制嘅柚子啫喱醋系咁正㗎👍🏻啫喱醋酸甜酸甜带柚子香..净系食呢个啫喱都好好味😂
🤫 再嚟就拣咗是日精选嘅软壳蟹蜜柑沙律..蜜柑Size适中超靓超甜配埋Mixed Greens味道啱啱好..面头只软壳蟹细细只咁样..炸得够晒干唔会觉得好油腻
🤫 再之后我要咗个鹅肝手卷..鹅肝估唔到系不得了咁多..细细一个手卷竟然有两块鹅肝😍而且啲鹅肝油浸晒落去啲寿司饭𠮶度..真系肥美到不得了..一啖咬落去𠮶个爆汁嘅感觉不能言喻😚
🤫 阿V唔食内脏乜滞..所以就要咗个牛油果吞拿鱼手卷..佢𠮶个都相当唔错..吞拿鱼赤身肉眼睇都见到有成四五条..佢话呢个份量相当满足😎
🤫 前头食咗几种小食之后..系时候食返啲相对饱肚啲嘅嘢..咁我哋就拣咗个大虾天妇罗反卷..原本以为系出边街常见嘅天妇罗大虾俾啲饭包住咗嘅反卷咁简单..点知出乎意料地佢哋嘅饭外边都系满布天妇罗脆脆㗎😮呢个都几别出心裁..即系成旧卷物都系脆卜卜㗎～
🤫 我哋仲叫咗个甲罗烧同埋清酒煮蚬..甲罗烧上枱嘅时候我系有少少质疑点解个蛋黄同啲蟹膏一比一咁滞嘅呢..因为平时通常都系鹌鹑蛋蛋黄㗎咋嘛..不过捞匀咗之后发现佢哋呢度啲蟹肉蟹膏相当之浓郁..以致捞一只咁大只嘅蛋黄嘅时候..味道嚟得非常之适中之余蛋黄仲令到蟹膏更加鲜味..又系一个意料之外嘅好味😌
🤫 至于清酒煮蚬就冇乜点..都系正常中高水准.. 蚬Size都唔系话特别大只嘅..份量都OK..反而系阿V几欣赏兜蚬入边有几嚿白萝卜..佢话啲白萝卜吸晒清酒同蚬嘅精华..咬落软绵绵冇渣仲非常之清甜咁话㖞
🤫 系啦～寻晚嘅饮食体验大致上系咁啦
。。
翻兜指数：🙆🏻♀️🙆🏻♀️🙆🏻♀️ （5个🙆🏻♀️为翻兜爆灯）
💮已翻兜次数：2次💮
。。
张贴
