影片
更多
2023-12-06
1328 浏览
有个老死喺做私人司机嘅，工作非常忙碌，因为佢老细嗜好多，经常要用车，所以，约佢食饭真喺非常难，趁佢老细飞咗就约出嚟中环食餐便饭。佢平日咁辛苦都喺求求其其食一餐就算，咁约佢梗喺唔会食快餐店、茶记啦，所以过咗嚟「和安里」呢一间新开无耐嘅西餐厅「Moodie」，睇过啲风评唔错，方便食完倾下偈。餐厅楼高两层，地下喺厨房、水吧同埋有少少座位，一室以黑色为主调，一边水泥墙，一边长形蓝色磁砖，简约得嚟够型格，感觉舒服。厨房算喺开放式，所以睇到师傅做菜嘅情况。而楼上座位比较多，好啲似觉阁楼私窦嘅感觉，因为今次就朋友时间，晏啲先嚟，所以，趁啲客人走晒先补番啲环境相。而服务方面几唔错，店员招呼殷勤，又好有礼貌。午餐餐牌一页纸睇晒，主食分三大类、沙律、法国青口及意大利面，定价$138-$168，选择务求贵精不贵多，而最划算嘅梗喺加$35加配餐汤、沙律同甜品啦，至于饮品，就要另外散点喇。另外，放埋主餐牌同饮品餐牌俾大家参考一下。是日餐汤今日所饮嘅喺粟米忌廉汤，咪睇个汤好似平平无奇，其实，一入口你就知不同凡响。先讲个口感，真喺好滑溜，又够热㖞，就算喺微暖，我觉得都喺唔合格，而餐汤嘅粟米味好浓郁，好香甜，完全引发
餐厅楼高两层，地下喺厨房、水吧同埋有少少座位，一室以黑色为主调，一边水泥墙，一边长形蓝色磁砖，简约得嚟够型格，感觉舒服。厨房算喺开放式，所以睇到师傅做菜嘅情况。
而楼上座位比较多，好啲似觉阁楼私窦嘅感觉，因为今次就朋友时间，晏啲先嚟，所以，趁啲客人走晒先补番啲环境相。而服务方面几唔错，店员招呼殷勤，又好有礼貌。
午餐餐牌一页纸睇晒，主食分三大类、沙律、法国青口及意大利面，定价$138-$168，选择务求贵精不贵多，而最划算嘅梗喺加$35加配餐汤、沙律同甜品啦，至于饮品，就要另外散点喇。
另外，放埋主餐牌同饮品餐牌俾大家参考一下。
是日餐汤今日所饮嘅喺粟米忌廉汤，咪睇个汤好似平平无奇，其实，一入口你就知不同凡响。先讲个口感，真喺好滑溜，又够热㖞，就算喺微暖，我觉得都喺唔合格，而餐汤嘅粟米味好浓郁，好香甜，完全引发出粟米嘅精华。
是日餐汤（粟米忌廉汤）
14 浏览
0 赞好
0 留言
餐牌就无讲会喺咩沙律，不过见佢有两只大虾，又有啲橙肉，就帮佢起个名叫大虾鲜橙沙律。啲火箭菜加咗少少油醋，食落好新鲜清爽，而大虾口感爽弹，好有鲜甜味，配合埋清甜嘅橙肉，喺令人食完更开胃嘅前菜。
是日沙律（大虾鲜橙沙律）
9 浏览
0 赞好
0 留言
一整个小锅上枱，份外有睇头，睇落啲青口唔喺好大只，但其实食落你就知喺靓货，早前去过一转比利时，所食嘅都喺类似呢啲品种，细细只，食落啲青口肉好鲜味，同埋好嫩滑，唔似你平时𠮶啲打边炉嘅青口，大就大喇，不过，有时韧到好似擦纸胶咁，而且加咗罗勒、蕃茄、洋葱、水瓜柳去煮，好意式嘅配搭，有阵阵田园清新香气；而啲薯条新鲜炸起，入口热焫焫之外，更喺香脆唔油。
意式罗勒蕃茄煮法国蓝青口
$168
6 浏览
0 赞好
0 留言
龙虾汤蕃茄长通粉配鸡胸 $168呢个长通粉面头刨满巴马臣芝士，卖相睇落都好吸引，先试下啲长通粉，呢只喺属于粗身啲嘅长通粉，有时我会叫佢做「水喉通」，入口有韧性，煮得啱啱好，而且，沾满晒酱汁，个汁真喺几正，既有龙虾香味，又有蕃茄嘅酸香味，带少少辣劲，食落好醒胃；至于啲鸡胸，似喺先慢煮过再煎香，入口可以形容为爽滑，咬落去有少少爽口感，肉质就真喺好嫩、好滑，可以讲无乜挑剔位。
龙虾汤蕃茄长通粉配鸡胸
$168
0 浏览
0 赞好
0 留言
马卡龙配青柠雪葩最后登场嘅甜品都无求求其其，马卡龙有好多口味，好随机，我嘅喺咖啡味，朋友嘅喺抹茶味，而啲马卡龙咬落去外层脆脆，里面好烟韧，比一般常食到嘅算少甜；青柠雪葩唔使多讲，味道清新，冰凉清爽，口感细滑，唔会食到有冰粒感。
朋友就好满意今餐午餐，觉得水准高，既可以舒舒服服食餐晏，又可以静静哋倾吓偈，喺打工仔嘅小确幸。
张贴
