卿記工房

营业中

休息中

之前睇过有人介绍呢间炸鸡髀，话佢好好食！今日特登过嚟坚尼地城试吓，间舖头喺斜坡上面，由地铁站行上去，都几系嘢！终于去到舖头，发现呢间舖头好细，只提供外卖，老板一个人一脚踢，但系睇得出佢好用心制作，真系要支持一下年青人！由于系生炸嘅关系，嗌咗之后都要等10分钟先有得食，想食好嘢，冇办法！最后等咗10分钟，最后见到老细落啲椒盐落鸡髀度，之后就递俾我！终于有得食啦！真系好热！简直冇办法可以食，要摊冻一阵！先讲吓啲鸡肉，由于系生炸嘅关系，真系食到好多肉汁，一滴滴滴落去，而且个鸡皮好脆，佢系用好港式嘅腌料去腌呢只鸡髀，系得食得返细个嘅鸡髀味道，完全冇落其他辣粉同孜然粉！食得出港式嘅味道！我绝对可以咁讲，佢真系香港岛世一鸡髀！大家快啲嚟帮衬啦！