Simplylife Bakery Cafe

营业中

休息中

同肥柑太睇完戏，行行下又有dd饿，见到simply life唔多人就提议去试下。柑太一向都系钟意elegant既店舖，呢间simplylife就完全合晒佢心意。门口放左一大排冻柜畀食客睇下各式各样既甜品，眼球上既刺激唔单只系食物上，就连四周既色配同简约既装潢都令帮衬既食客无啦啦升几个呢。虽然畀人觉得高档次，但价钱却出奇地平民，一件饼三十几蚊？一杯野饮又系三十蚊？点做生意架？咁平？最紧要系好食又好饮先抵死。一杯latte冲调得刚刚好，入口无烧焦既咖啡味，奶味适中，拉花亦唔变形，配合欧式格调既杯下，每一啖畀到你既唔系集团式咖啡店既中产，而系上流社会既品味。草莓芝士饼个饼底有少少松，而草莓味道幸好唔系太酸，虽然分量比较小，但作为下午茶就刚好。丹麦条就脆下，入面既吉士酱唔腻，而配合野莓既酸就更能带出吉士既甜，同埋苏皮既脆同埋层次。慢慢二十分钟左右既下午茶，食住价廉物美既食物真系觉得系享受。下次有机会要再试埋午餐同晚餐。而柑太亦叫我下次买个火焰蛋糕畀佢做生日。