ADD+ (已結業)

三月岩岩出自助餐嘅时候就已经食过一次，果阵仲喺有职员向钟出去拎野食，当时已经非常反感呢种做法，好似监趸放饭咁，出到去都系要排队先拎到，又唔系d咩特别野食，冷盘热食刺身甜品全部都系最普通货色。早排有朋友见饮食KOL 讲到咁吸引又叫埋我一齐去试多次，结果真系中晒大伏。所谓避风塘海鲜盛会，refill 速度极慢，每次都要排最少15分钟，仲要根本唔知自己排紧d咩，次次排到都系d令人极度失望、而且完全唔值呢个价位嘅野食。最夸张系话就话食3个钟，但系8点就已经唔再出海鲜，仲话系海鲜盛会，简直系不知所谓。另外员工态度亦相当恶劣，门口reception 著黑色西装褛、扎马尾嘅女职员，对客用非常不屑嘅语气；酒吧著便服疑似系经理嘅bartender，问佢少少野，语气态度极之串，完全系赶客feel。一句讲晒，呢间野嘅自助餐绝对系垃圾级数，仲够胆收咁嘅价钱，嫌钱多而又想试伏嘅可以去挑战下。