重慶津味小吃

营业中

休息中

第一篇食评就系介绍依间，睇返都两年前，当时成日食佢重庆云吞加面加连藕，辣得爽之余又抵！但装修之后辣法唔同咗，无梗辣之余竟然用酸菜做酸，以为换咗老板就一直无再食。今次系附近行未觉饿，但再唔食又无嘢食，无办法，打算整堆小食开吓胃，估唔到就梗食返旧有辣味之余仲劲咗！原来老板无变，只系日日打麻将无点睇舖，每个人调法唔同，明显佢就由得员工自由发挥，佢话梗耐无调，宜家佢整可能会仲重手…好彩请到个调得唔错。麻辣鸡丝、凉拌云耳，手拍青瓜，辣度平均比之前强，但鸡丝无以前辣，不过都系小辣都好劲，青瓜仍然系即场拍到呯呯声，梗拍特别入味，其他舖好少听到。虽然系外卖，价钱加咗外份量睇落都少咗，但味道仍然系难得。