又一棧 (已結業)

本人擒晚同六个朋友一行七人打算去又一栈食晚饭, 因为听人讲几好味, 环境又适合朋友聚旧倾计, 于是我好有诚意噉"早一日", 重覆一次：系早--一--日，打定电话去book枱, book八点十五分七位, 唔要近门口, 当时个侍应话ok。第二晚我地八点到, 佢话张枱未埋单, 噉我地去隔离page one行左十五分钟, 八点三到, 佢又话未得叫我地等等, 到八点五佢竟然俾门口张细枱我地, 不知所谓, 又话客人多, 又话里面啲枱未埋单, 噉我订定枱嚟做乜？你客人多关我鬼事呀？我订左枱你唔系要保障我o既咩？结果八点九, 足足等咗45分钟至俾到枱我地, 但我同班朋友都好激气, 决定去第二间酒楼食, 仲决定以后唔会去又一栈, 叫埋亲朋戚友唔好帮衬添。我觉得野食好唔好都系其次, 待客之道好紧要, 尤其系啲客会唔会返转头o既关键因素, 又一栈呢种早一日book左枱但去到又要等45分钟o既态度, 一啲都唔似中高级食府, 值得改善指数系十分！