影片
更多
2024-06-11
564 浏览
不嬲都听楚撚记好出名，记得疫情𠮶阵都曾经试过佢土瓜湾店嘅嘢食，虽然𠮶阵系叫外卖，但食物质素都几唔错，即使叫炸嘅嘢食，拎到返到公司都仲系好脆仲热辣辣，印象唔错。适逢同同事食饭，又谂起佢嘅小菜，就决定嚟试佢西环店嘅嘢食，装潢陈设我就唔多讲啦，大家上网都见到佢装潢行老香港风格，比返种以前食大牌档嘅氛围，而地方环境都企理舒服嘅。睇佢菜单食物选择都多嘅，因为好想食热气嘢，所以一口气叫咗三样煎炸嘢食同埋一个菜同汤：1. 香煎黑松露手打莲藕墨鱼饼2. 椒盐九肚鱼3. 避风塘鲜鱿4. 飞天通菜煲5. 老火菜干煲猪肺汤1. 香煎黑松露手打莲藕墨鱼饼：煎得唔错，落咗适量嘅油煎，咬落去表面焦脆，唔会成口油淋淋。仲有淡淡嘅黑松露味，调味刚刚好，黑松露味唔会太抢。2. 椒盐九肚鱼：唔使讲又系炸得香脆，食落热辣辣出哂烟，同坊间嘅椒盐九肚鱼唔同，佢嘅调味有少少特别，食唔出系咪加咗柚子，但食落感觉轻盈，零负担。3. 避风塘鲜鱿：一如槪往，又系炸得出式，呢碟菜系我地全晚最期待嘅菜式，而佢真系不负众望，避风塘嘅味道好突出，亦唔系好辣，啱哂唔食得辣嘅我地。而本身无打算叫饭嘅我地，都因为要食埋啲炸蒜，而专登叫一碗饭嚟送，所以
适逢同同事食饭，又谂起佢嘅小菜，就决定嚟试佢西环店嘅嘢食，装潢陈设我就唔多讲啦，大家上网都见到佢装潢行老香港风格，比返种以前食大牌档嘅氛围，而地方环境都企理舒服嘅。
睇佢菜单食物选择都多嘅，因为好想食热气嘢，所以一口气叫咗三样煎炸嘢食同埋一个菜同汤：
1. 香煎黑松露手打莲藕墨鱼饼
2. 椒盐九肚鱼
3. 避风塘鲜鱿
4. 飞天通菜煲
5. 老火菜干煲猪肺汤
1. 香煎黑松露手打莲藕墨鱼饼：煎得唔错，落咗适量嘅油煎，咬落去表面焦脆，唔会成口油淋淋。仲有淡淡嘅黑松露味，调味刚刚好，黑松露味唔会太抢。
2. 椒盐九肚鱼：唔使讲又系炸得香脆，食落热辣辣出哂烟，同坊间嘅椒盐九肚鱼唔同，佢嘅调味有少少特别，食唔出系咪加咗柚子，但食落感觉轻盈，零负担。
3. 避风塘鲜鱿：一如槪往，又系炸得出式，呢碟菜系我地全晚最期待嘅菜式，而佢真系不负众望，避风塘嘅味道好突出，亦唔系好辣，啱哂唔食得辣嘅我地。而本身无打算叫饭嘅我地，都因为要食埋啲炸蒜，而专登叫一碗饭嚟送，所以真系几好食嘅。
4. 飞天通菜煲：味道几好，我欣赏师傅整呢道菜嘅时候唔会好似其他食店咁，整到得个咸字，会就住调味。
5. 老火菜干煲猪肺汤：中规中矩，调味尚可，冇太劲味精。
总结嚟讲，食物质素嚟讲系中上，三个人五碟嘢啱啱好，今次嗌咗太多煎炸菜式，个胃未有空间可以试到佢啲小炒、沙拉骨𠮶啲；但对于男士嚟讲，可能就要叫多几碟。而就住服务嚟讲，平日晚市见佢最早17:30就可以book枱，下一轮系19:00，如此类推，用餐时间九十分钟。可能食早𠮶轮啦，餐厅都未算多人，仲有好多吉枱，以上菜速嚟讲，佢绝对系有效率嘅👍，叫完大槪十五分钟嘢食就陆续上。见佢由18:45开始多人，可想而知，19:00𠮶轮应该系最多人入座嘅，但当晚食到7点3到都唔见佢有人喺门口排队，亦无其他食客等点位，点知都比人赶😅
唯一要讲嘅地方，喺用餐时间内，待应对人嘅态度系okay嘅，仲好细心咁提我地要小心枱同枱之间嘅罅隙，唔好郁到张枱。但喺接近完嘅时候，倒数分别30/15/5分钟待应会催你交枱，前前后后比佢催咗三次，见你仲食紧嘅时候又准时交唔到枱，佢地会一致咁木无表情😶🌫️，喺你枱边行下又望下，以身体语言催下你咁…睇得出，呢班同事真系好帮得老细手，大大提高高翻桌率👍
1. 香煎黑松露手打莲藕墨鱼饼
$118
13 浏览
0 赞好
0 留言
2. 椒盐九肚鱼
$98
18 浏览
0 赞好
0 留言
3. 避风塘鲜鱿
$112
15 浏览
0 赞好
0 留言
4. 飞天通菜煲
$92
16 浏览
0 赞好
0 留言
5. 老火菜干煲猪肺汤（小）
$118
16 浏览
0 赞好
0 留言
张贴
