影片
更多
2008-11-13
14 浏览
今日放工经过成仔记门口, 谂起以前中学时成日黎食, 心血来潮下入咗去食碗面, 好想怀念吓以前味道, 舖头转咗去隔离大d既舖位, 餐牌既野食比以前多咗好多, 仲记得初时只得云吞、鲮鱼同牛肉三款, 依家又有其他丸同捞面.....入到去叫咗碗云吞牛肉面+豆浆, 好快就送到黎, 云吞依然乒乓球咁大粒, 咬落去好似有好多虾, 不过现在食得出其实经化学过令佢胀身同爽, 鲜虾味欠奉, 淘大、湾仔比佢出色, 只系冇佢咁大粒牛肉又系化学过, 冇牛肉味, 又难咬, 有D似食橡根, 冇令我惜"肉"如金感觉豆浆系阿姐附加推销而叫, 只想用来湿吓口, 反而几好饮, 有豆味呢度既醋比较淡, 落好多先够, 辣椒油就几香, 汤底有大地鱼鲜味, 仲几浓, 出外食野落"将军"一定少不免, 呢样唔计佢数啦...临走时见隔离台叫我平时好中意食既净凤爪, 见阿叔食得几之味, 都忍唔住外卖一份当俾多次几会佢, 入面有6、7只左右, 唔系我地平时出面食炸过再炆果D黎, 系鲜鸡脚用来煲汤果只, 用柱侯汁炆焾, 有少少生菜, 有D似食车仔面感觉, 呢个煮得够焾入味又冇散开晒, 唔错如果计云吞同牛肉我会俾中下佢, 但佢既面, 汤,鸡脚我
入到去叫咗碗云吞牛肉面+豆浆, 好快就送到黎,
云吞依然乒乓球咁大粒, 咬落去好似有好多虾, 不过现在食得出其实经化学过令佢胀身同爽, 鲜虾味欠奉, 淘大、湾仔比佢出色, 只系冇佢咁大粒
牛肉又系化学过, 冇牛肉味, 又难咬, 有D似食橡根, 冇令我惜"肉"如金感觉
豆浆系阿姐附加推销而叫, 只想用来湿吓口, 反而几好饮, 有豆味
呢度既醋比较淡, 落好多先够, 辣椒油就几香, 汤底有大地鱼鲜味, 仲几浓, 出外食野落"将军"一定少不免, 呢样唔计佢数啦...
临走时见隔离台叫我平时好中意食既净凤爪, 见阿叔食得几之味, 都忍唔住外卖一份当俾多次几会佢, 入面有6、7只左右, 唔系我地平时出面食炸过再炆果D黎, 系鲜鸡脚用来煲汤果只, 用柱侯汁炆焾, 有少少生菜, 有D似食车仔面感觉, 呢个煮得够焾入味又冇散开晒, 唔错
如果计云吞同牛肉我会俾中下佢, 但佢既面, 汤,鸡脚我会俾个OK佢啦
大个咗后好多时食番细个好中意食既食物时觉得原来唔好味, 除咗系人大咗口味唔同咗之外, 可能细个"食经"较浅, 对好多野都冇乜要求啦!但如果要讲真话呢度就唔算好食啰~
张贴