影片
更多
2020-08-07
496 浏览
本来买个包真系好少写食评，除非成日帮衬佢又抵赞嘅。今次写一写呢间燕钧，一来觉得佢呢啲细舖都有openrice仲要有comment觉得好神奇，二来呢间野居然可以䇄立于九龙湾咁耐就更加神奇！是日呢，要过一过黎呢边条街拎野，顺便就买个早餐，差不多十点半，附近食店已经收起早餐预备午市，见到有面包舖即刻九冲入去啦，外面阳光普照，间舖就灯都唔开黑麻麻，形成强烈嘅对比。店内只净返三盒三文治，同少量面包。睇佢唔系集团我估系家庭式，卖晒就算？净低嘅面包一啲都唔吸引，咁试下三文治啦，断估有肉有菜都唔会难食得去边……但我错了。买份三文治，老板娘态度几好，主动入埋胶袋，胶袋印左公司名同地址，唔知点解见到呢个胶袋，就有一种老旧嘅感觉。By the way，想环保少少，食完后个袋我褶起收埋左，留返其他用途。买左一份鸡三文治，老板娘系咁叫，问系咪要鸡三文治，怪怪地咁，哈哈，讲鸡肉三文治会唔会好啲？！入返正题讲返个包，明明系方面，鸡肉同生菜，点解可以咁解食……块包又硬又干，鸡肉硬邦邦，生菜正常嘅，内里完全无酱料，可能怕块包吸左会变得溶溶烂烂？而且第一啖咬落去已经觉得奇奇怪怪，点解系甜嘅？食多一啖都系甜㗎㖞，啲鸡肉又粉
是日呢，要过一过黎呢边条街拎野，顺便就买个早餐，差不多十点半，附近食店已经收起早餐预备午市，见到有面包舖即刻九冲入去啦，外面阳光普照，间舖就灯都唔开黑麻麻，形成强烈嘅对比。
店内只净返三盒三文治，同少量面包。睇佢唔系集团我估系家庭式，卖晒就算？净低嘅面包一啲都唔吸引，咁试下三文治啦，断估有肉有菜都唔会难食得去边……但我错了。
买份三文治，老板娘态度几好，主动入埋胶袋，胶袋印左公司名同地址，唔知点解见到呢个胶袋，就有一种老旧嘅感觉。By the way，想环保少少，食完后个袋我褶起收埋左，留返其他用途。
买左一份鸡三文治，老板娘系咁叫，问系咪要鸡三文治，怪怪地咁，哈哈，讲鸡肉三文治会唔会好啲？！
入返正题讲返个包，明明系方面，鸡肉同生菜，点解可以咁解食……块包又硬又干，鸡肉硬邦邦，生菜正常嘅，内里完全无酱料，可能怕块包吸左会变得溶溶烂烂？而且第一啖咬落去已经觉得奇奇怪怪，点解系甜嘅？食多一啖都系甜㗎㖞，啲鸡肉又粉红色，望一望唔会系叉烧挂？睇真啲有鸡皮，真系鸡肉黎。试下分开食，鸡肉系无味嘅，甜味黎自白方包。哗，咁正常嘅食材都可以咁难食，点算？争扎左好耐究竟比ok定喊面好，佢12蚊份三文治系平嘅，有个硬盒又咁足料……但真系无下次，或者其他包会好食啲？我就无勇气试了。
张贴
