和昌飯店 (已結業)

前身The Pawn 几年后因为朋友介绍趁住新开业再嚟。熟悉嘅门口，但入去就加入咗中式古风。坐露台打张卡一流，呢d天气坐半室外最正。打开餐牌，价钱都系偏贵。所以与男朋友两人试咗个较平嘅餐先。 食物质素都很好。烧腩仔皮脆嫩肉。入口即溶嘅感觉。叉烧酥造型特别中西合璧。龙井虾饺，好有茶香味。当日嘅例汤系咸菜汤，好有广东嘅汤水味道。姜葱鲍汁虾子面多汁唔干面弹牙爽口，系细碗啲，同埋冇其他料，加几条肉丝仲正。黑皮鸡菌炒和牛好有菇味啲牛嫩到呢，生熟啱啱好。姜汁汤圆，热辣辣。再加咗萝卜丝酥热辣辣好香嘅萝卜味，又系入口即溶。好好食。另外了服务都好好，有心做好，会有时问下我哋嘅意见，我而且耐心帮我哋影相。我同男朋友趁住午饭时间去岁然客人唔系好多。时间就有少少紧迫。可能系啱啱开业上菜有点慢，如果去要预多小小时间慢慢叹。整体嚟讲新开张，服务同埋嘢食仲有环境都一流。会再同朋友嚟。试埋其他菜式。