和昌飯店 (已結業)

今日立秋，又是我其中一位最重要的親人的生日日子，因為主角最近喜歡上了「和昌飯店」的食物，所以我們特意安排了在這裏為親人慶祝吃生日午餐。「和昌飯店」 位於灣仔莊士敦道，被市建局保育的歷史建築物和昌大押內，擁有1樓及2樓的使用空間。百年的歷史古蹟有一條很窄很高的樓梯，但樓梯只能走到1樓，如要上2樓必須在1樓轉乘升降機或可在大王東街乘座升降機直接到達；地鋪則是一家高級意大利餐廳「Crust Italian」。翻查資料，和昌大押是由4幢相連、設有長廊式陽臺的唐樓組成，樓高四層，建築物已有逾百年歷史，是少數留存的四幢相連陽臺長廊式樓宇；有蓋遮擋的露台，樓底高，設有採光井，通往陽臺處裝有法式大窗。最大嘅特色是和昌大押外牆使用典雅的水磨石工藝裝飾，在香港真的是買少見少，大家經過記得參觀一下👍。親人喜歡這裡的即製點心和高級中菜，雖然我們都不好夜蒲飲酒，但這裏晚上可以是一間酒吧，真是中西合璧。 我們一家人在今年的端午節也來過一次吃午餐，菜式在這食評後半部份一併介紹。今天生日宴共有10人，食物包括粵式點心、燒味、海鮮和特色粵菜等: 點心~紅米海皇脆米網腸($108/6件) 脆米網腸很多酒樓都有提供，這道點

和昌飯店古色古香，內部裝潢雅致，係慶祝嘅好地方～但服務質素就仲可以改善，員工態度友善，見我哋又切生日蛋糕又嗌壽包就人頭送一隻俾我哋😍但又有啲失暈，例如見到佢哋捧緊碟魷魚俾食客嗰陣圖手拎起條食（好彩無嗌魷魚）/無啦啦收起我哋一隻酒杯（decanter未斟哂酒）。酒水方面，喺餐廳嗌一枝free1枝corkage，最多可以free2枝。左1同左3係喺餐廳嗌，約1000蚊/枝，都唔錯；左2同左4係自攜。整體食物質素嚟講點心、叉燒及黑醋骨好味，今次主要介紹比較普通嘅菜式，同埋甜品😋飲食記錄：燒汁脆米雜菌炒牛小排粒因為我唔食牛，淨係食咗幾粒菇，無咩review。紅梅竹笙燴豆腐幾得意，但竹笙唔夠爽上湯蒜子浸菠菜苗可能因為已經夏尾，菠菜苗都幾老金包銀鮮蟹肉炒金稻賣相好金黃，但調味比較淡，request refill蝦餃啲xo醬撈埋食🤣乾炒本地手切牛肉河粉唔夠鑊氣嘅乾炒牛河好戲在後頭，養顏桃膠酥皮蛋撻和昌飯店嘅酥皮食物實在令我相當有驚喜（利申：平時唔鍾意食酥皮蛋撻）酥皮非常鬆軟，口感唔膩，配埋滑脟脟嘅蛋白漿，及啫喱狀嘅桃膠，味道清雅美味～

History is ongoing. 由細個經過想大個嚟食嘅the pawn, 到大個嚟食和昌飯店先知大樓前前身係和昌大押。感謝壽星女邀請我終於可以入內觀摩，品嚐美食，整體體驗不俗！雖然嚟食晚飯，但都揀咗2款茗茶，分別為菊花及遠年普洱。茶味唔澀，入口都幾滑～飲食推介：首先介紹點心～古法筍尖蝦餃王蝦餃又無話特別皮薄滑、餡爽口嗰啲，不過醬汁有XO醬同辣椒油，都幾加分～日本蘿蔔手作千絲酥好有驚喜！酥皮口感香脆一啲都唔油膩，裹住嘅蘿蔔絲軟腍而又保留絲絲口感，口感淡雅～海苔鱈魚脆春卷米網紋春卷皮好香脆，唔油膩👍🏻包住厚厚嘅鱈魚及滑脟脟嘅海苔，口感相影成趣～前菜方面，我哋揀咗以下2款狀元醉三鮮鮑魚幾爽口，紹興酒揮發哂，無咩酒味，好似爭少少醬汁點綴流心鵝肝蝦多士鵝肝唔流，普普通通主菜方面，我哋試咗：和昌炭燒叉燒厚切叉燒肉質唔會過實/腍，咬落輕微帶肉質，配以蜜汁，非常開胃🤤雙囍富貴鴿雙囍，即2粒鴿蛋。鴿蛋以茶漬製成，茶味不重，但驚喜的是原來鴿蛋口感係好軟滑有少少似啫喱，幾得意😋對燒乳鴿興趣不大，無咩review😅不知年陳皮意大利黑醋骨酸甜適中，甜而不膩，粉薄皮脆(nomnomnom…)圖片數目所限，

曾在晚飯時間吃過點心，覺得質素不錯。可是一直未有時間再訪，直至上星期某天，友人突然過來灣仔開會，便相約在此碰面並一起午餐。人少少只好點了四款點心，分別是天精草帶子四喜餃、羽衣甘藍松茸燒賣、海苔鱈魚脆春卷及叻沙帝王蟹肉生煎包。每個名字聽起來都很複雜，賣相精緻，味道清新；鱈魚春卷比傳統的更為香脆，而且還加入了海苔，多了一份鮮味；最後的生煎包餡料是很創新的，將南洋風味揉入點心之中，而且為了增加香味，還會在上桌時，以迷迭香煙霧來增加香氣，值得一讚。苗子承認大食兼為食，點來蟹肉桂花炒米粉作結，雞蛋炒得相當漂亮，像極桂花般依附在米粉上，而米粉亦仍然保留著一大束的，不會變得碎碎裂裂，證明師傅的炒功了得，最後我倆亦開開心心地捧著肚子離開。

和昌大押完成翻新就開左《和昌飯店 》~終於都試到喇!公司係附近一大班同事最好就係食中菜~!今次book到和昌飯店!和昌飯店既點心都幾特別...有D屬於fusion野...鴛鴦檸香叉燒酥:好似bakery house既酥皮盒裝住啲叉燒，仲有啲檸檬條，好清新一D都唔膩!藤椒香油抄手:好香藤椒油味...相對比時食既紅油抄手少左份油膩...蘿蔔手作千絲酥:蘿蔔味好重...炸到鬆跪入口~!和昌叉燒:不得不食...叉燒本身已經係肥瘦均勻，入口非常軟淋...陳皮意大利黑醋骨:入口酸甜開胃，外層炸至香脆，肉質軟腍適中~蟹肉桂花炒米粉:米粉炒得好乾身~!Good!店內裝潢好適合打卡用~連杯碟碗都好表緻~!值得一試~!

想嚟呢間餐廳好耐，真係好靚，好有古典氣氛。外國朋友回港掛住中餐，梗係帶佢食好嘢。沿着滲着紅燈嘅樓梯上到2樓，竟然柳暗花明地出現一個裝潢非常花樣年華的餐廳格局，未食飯就已經贏咗氣氛。和昌炭燒叉燒 - 肥瘦適中，濃濃蜜糖，煙熏味正👍黑豚肉叉燒包 - 味道同普通叉燒包差唔多🤭水晶竹笙野菌餃 - ok火石咕嚕肉 - 非常脆口👍雙喜富貴鴿 - 上碟時連雀巢上，擺相精緻飯後繼續同朋友到室外balcony飲酒談心，環境昏昏暗暗，非常有情調，與之前中餐環境成明顯的對比。

位於灣仔莊士敦道的百年歷史古蹟：和昌大押再次完成翻新，精緻粵菜《和昌飯店 𝐖𝐨𝐨 𝐂𝐡𝐞𝐨𝐧𝐠 𝐓𝐞𝐚 𝐇𝐨𝐮𝐬𝐞》粉墨登場後 ～終於都試到喇 ｡^‿^｡餐廳主打精緻的點心與手工粵菜環境佈置中西合璧典雅中帶著時髦感色彩繽紛美侖美奐位置寬敞坐得舒適今次帶兩老及長輩所以只有享用中餐這裡有一個靚酒吧下次可以再訪𝖧𝖺𝗉𝗉𝗒 𝖧𝗈𝗎𝗋(◠‿◠)『潮蓮燒鵝』要預訂（半隻$508）新鮮熱辣燒好上台肉質及味道非常惦（燒得剛好）皮脆肉嫩必食之選長輩們一致都讚賞每款點心都好精緻（炸物相對出色）味道整體都算中上雖然價錢並不便宜但環境加上賣相及食物質素服務唔錯Overall係一個𝗴𝗼𝗼𝗱 𝗱𝗶𝗻𝗶𝗻𝗴 𝗲𝘅𝗽𝗲𝗿𝗶𝗲𝗻𝗰𝗲〜(^∇^〜）特別推介潮蓮燒鵝黑椒和牛紫薯酥蘿蔔手作千絲酥海苔鱈魚春卷桃膠椰香酥皮蛋撻

朋友說我沒有關心佢，咁啱睇咗一位youtuber介紹和昌飯店的叉燒所以為咗顯出我嘅誠意我帶呢位朋友嚟到呢間百年建築物食餐飯而預留位置時，我係特意預留叉燒嚟到先發現其實好多野都要留，特別係海鮮。雖然都知道係廂房先可能會有師傅嚟表演燒叉燒你嘅不過我以為點都有炭爐上結果係無。然而，並唔影響佢本身嘅「味力」。佢係無問我地要肥定瘦但舊叉燒本身已經係有肥有瘦，入口啲肉非常軟淋睇得出已經搽咗幾層麥芽糖甜得嚟有咬口基本上，我食咗3舊，已經我位朋友食哂。絕對係手快有手慢無之作。 $398 我唔係覺得性價比高，不過我覺得物有所值。跟住因為呢條友無試過柚皮，我就叫咗個柚皮嚟食我自己本身食過大圍已經執咗嘅楓林小館version 所以我覺得呢個都算係拍得住嗰個級數柚皮唔澀仲無搶咗啲蝦籽嘅味道嗰兩條菜雖然係伴碟都唔差，一啲都唔老。由於前面兩道菜太好味，呢道粉麵就顯得有啲失色雖然兩面黃仍然處理得好好不過黑豚肉就個色就麻麻個麵仍然都叫好味嘅雖然我都飽到嘔，但我仍然叫咗個甜品，不過都係普普通通，即係蛋白係香嘅同滑，但係撈埋一齊又唔係太驚艷。不過如果係靜靜地傾偈，呢度係幾唔錯，環境唔算太嘈又唔算太靜。我都打算同我老公再嚟

估唔到再訪竟然會對和昌飯店有更高嘅評價🤩 今次係嚟lunch飲茶☕️ 手工點心非常唔錯 尤其係炸功同埋酥皮點心🥧 自己比較欣賞海苔鱈魚脆春卷同鴛鴦檸香叉燒酥  上次嚟食晚飯試過片皮鴨 (ok la) 同叉燒(唔錯 肉質軟腍!!) 今次就食到蔡瀾加持嘅招牌乳鴿😚 上枱已經好fancy 用個鳥巢載住🪹 醃得 非 常 入 味 ‼️  用傳統淋滾油嘅方式炸乳鴿 脆皮又juicy🤗  📸  1️⃣ 雙囍富貴鴿 ($188) 2️⃣ 迷你法國生油菠蘿包 x 養顏桃膠酥皮蛋撻 3️⃣ 脆皮燒腩仔 ($238) 4️⃣ 海苔鱈魚脆春卷 5️⃣ 鴛鴦檸香叉燒酥 6️⃣ XO醬脆煎腸粉 7️⃣ 黑椒和牛紫薯酥 8️⃣ 灌湯小籠包

冇記錯，上一次嚟嘅餐廳係the pawn 疫情後搖身一變已經變咗係和昌飯店 今日主要約咗個朋友黎happy hour! 餐廳主要以中菜為主 隔離仲有一個靚靚酒吧 由於我哋喺下晝六點就到達 所以淨係得我同朋友一台 我同朋友就被安排咗喺露天嘅位置 對正電車路 望住成個修頓球場同埋電車軌 景觀一流 經個侍應介紹後，由於我係喜歡比較厚身同埋濃烈嘅cocktail, 我就叫左一杯MSG Negorni 而朋友就叫左杯威士忌base 既PU ERH FASHIONED19:00前飲品有半價優惠兩杯嘢飲都有一個好靚嘅冰 上面寫住和昌飯店 打卡一流 下次有機會返嚟一定會試埋佢哋個dinner set!

餐廳內外都極有懷舊特色，入左餐廳裹面，有份時光倒流嘅感覺，睇得出極有心機去設計蜜汁叉燒，肉汁好嫩滑👍；鮑魚雞煲上枱時仲好熱炆得好入味，讚!再order左兩個甜品，而其中一個係豆腐花，好有豆味同好滑，值得推介

來整理一下聖誕期間嘅大餐🫶位於灣仔嘅和昌飯店一直都係我嘅top to-eat list，因為佢嘅露天位置實在係太instagrammable🤭好好彩地喺12月頭到嘅時候book到平安夜當日嘅lunch，仲要可以揀到坐露天，大滿足🥰點心係fusion主題，選擇唔算多，每個種類有幾個options，多啲朋友一齊可以叫多幾款試！鴛鴦檸香叉燒酥好似bakery shop嘅酥皮甜品咁，有個酥皮盒裝住啲叉燒粒，仲有啲檸檬條，好清新好好食🫶鮮葉豆香白菜餃 x 雨前龍井蝦餃食落比較普通嘅蒸餃，雨前龍井蝦餃亦都唔太食得出茶嘅味道🤣但外皮係薄同煙靱嘅，蒸完唔會過淋，但整體驚喜度一般脆皮燒腩仔係每次飲茶都必叫嘅菜🤣都係standard level，皮脆肉嫩，不過最驚喜係佢用咗honey mustard醬嚟代替傳統芥辣，好matchy👏🏻酸菜魚灌湯餃成餐飯嘅highlight一定係呢個酸菜魚灌湯餃！湯底係好香好辣嘅酸菜魚湯底，而灌湯餃入面就係好豐富嘅魚肉，完美地將灌湯餃同酸菜魚融合咗，不過唔食辣嘅朋友道真係唔好叫喇，因為都真係幾辣😂總括嚟講環境係幾好嘅，但係以呢個價錢，就真係食環境多個食嘢食🤣

灣仔百年歷史古蹟既和昌大押，經重新改裝後搖身變成「和昌飯店」，糅合精緻粵菜🥢、點心吧✨、酒吧🍸於一身， 一直都對呢幢美麗既建築物充滿好奇心， 最近終於有機會到訪了😍當晚晚餐地點係二樓既廂房，洋溢時尚高雅格調既氛圍，花卉主題🌸🌺🌷帶來分外溫暖既感覺。房間內還有一個小露台，正好喝一杯時欣賞到城市既景觀🌃🌛， 可見係裝潢上已經係花盡心思~「話梅甘草聖女果」🍅係相當出色既悅口小食， 恰到好處既酸度與話梅味道係好好既平衡， 令人食完一粒又一粒～😋層層分明既「脆皮黑豚腩」🐖既芝麻皮做得特別好係和昌飯店，原來夜晚都可以食點心— 「黑胡椒和牛紫薯盒」🐄， 外觀似係芋角，黑椒味道突出。「天子蘭花響螺燉花膠」🥣燉湯都非常適合秋冬飲，湯底盡收精華～取黃花魚中嫩滑既部分製作「鮮藤椒蒸本灣黃花魚」🐠； 「蠔皇鮑魚扣柚皮」係好有驚喜的， 據知呢充菜式係特別難做得好的。 師傅既製法係柚皮先經過炸， 再加入魚湯、蝦米🦐、 蒜子🧄煮成， 入口好冇苦澀味而能突今日柚皮嘅清香； 所用既南非鮑魚係信心保證🫶🏻以日本刺身帶子、招牌叉燒製作「金柱帶子叉燒粒炒飯」🍚果然都令人唔失望，好滿足既一夜！ 💜📍和昌飯店地址: 灣仔莊士敦道

Woo Cheong Teahouse has got everything - great location, beautiful decor, attentive service and superb food. It’s a great special occasion dining spot.Highly recommend the char Siu and the popping candy sweet and sour pork! The long jiang har gow was pretty nice but the XO siu mai was nothing special.

時代總是在變遷，年輕時在灣仔上班，當時喜帖街、雙喜樓及龍門大酒樓尚在，午間在龍門醫肚，玩十三張，晚上雀局；結婚時去喜帖街訂請柬，此刻都變成了回憶。也許不變的是人情未，而建築物大概是［和昌大押］了。此刻的［和昌］，經活化後，此刻已成了中菜館。沿著滿載歷史的樓梯拾級而上，彷彿走進時光隧道。廂房設於二樓，內部裝潢得美侖美奐，而且保留原有露台，若是在露台喝上一杯，不單吹來陣陣微風，更可聽到電車走過路上的叮嚀聲。餐前來杯 Cocktail是必然的事吧！Midori Sour（$120）一杯以 Midori ，調較時混和了柚子汁及橙汁，非常易入口。今次掹衫尾跟朋友試了新春套餐，每位大約$1000，以地段、環境、服務及食物，都是合理的。話梅甘草聖女果餐前涼果是漬過的凍車厘茄，咬開非常juicy，酸酸甜甜的味道，令人胃口大開。脆皮黑豚腩看似是普通不過的腩肉，食落就知功夫，芝麻皮有著威化餅的酥化，冰肉位滿是油香，最底的一層亦已經削去，令口感更佳。黑胡椒和牛紫薯盒驟眼睇，會以為係芋角之類點心，原來係紫薯，而餡料是黑胡椒和牛，非常惹味，加入黑胡椒的辛香，平衡了和牛的油膩感，我鐘意。天子蘭花響螺燉花膠近年為了