豆公館

营业中

休息中

听朋友讲话旺角开咗间新豆品店，是晚专程黎试下。店舖几大，食客亦很多，睇下餐牌食咩先，意外地选择亦唔少，除咗豆浆同豆腐花，仲有蛋饼、刈包同其他小食。⭐姜汁豆浆 & ⭐杞子圆肉黑糖豆浆天气凉咗，饮返啲养生嘅豆浆先，豆浆豆味香浓，微甜啱口味，饮完暖笠笠。⭐特盛老干妈炒面叫左份大炒面，即叫即炒热辣辣，用咗老干妈同洋葱去炒面，辣中带甜几好食㖞👍⭐萝卜糕萝卜糕不过不失，有少量腊味同萝卜丝，胜在煎得香口。⭐鱼肉煎豆腐呢样真系如佢名称系鱼肉煎豆腐，唔系酿豆腐，所以鱼肉同豆腐系冇黏埋一齐嘅，不过豆腐真系好有豆香，入口嫩滑，好食噃😎⭐咸牛肉芝士蛋饼蛋饼有惊喜，入面芝士同咸牛肉都下得多，满满嘅馅料有口感😋⭐招牌麻辣豆腐花 & ⭐麦芽黑糖桃胶花生豆腐花黎得食豆品又点少得豆腐花呢，试咗呢度个招牌麻辣豆腐花，喺豆花上面落咗咸菜同辣椒油，入口咸咸辣辣几得意㖞😆朋友就点咗个黑糖桃胶，甜甜地加上大量嘅花生碎好有花生香，正。小店无加一，呢个价位几抵食吖。