道 (已結業)

偷得浮生半日闲，今日同花老嘢放下昼假去食'道'。一点松d到，有6个客，大家都未有嘢食系枱，而师傅就好落力咁整紧嘢食。唻得呢度，梗系试佢个お任せ喇。我哋叫完冇耐，有一份餐出，心谂我同老嘢系最后一枱客到，咪有排等！？不过反正我哋得闲，加上见师傅已经好忙碌咁预备紧，都冇咩所谓喇。终于系大约半个钟头后有得食喇！哗，好丰富㖞有烧鱼，刺身，天妇罗，煮物，温泉蛋，沙律，前菜，味噌汤。先食前菜同沙律，萝卜好爽，薯仔沙律都几粉粉。再食刺身，一般喇，细细片咁。味噌汤唔似出面果d咁喊，好味！温泉蛋一睇就知好滑，蛋黄入口feel到唔实但唔系全液体咁，好味。蛋白仲滑，用spoon'不'都不唔到。天妇罗有青椒，年藕同虾。食果时已经唔热但系好好味㖞仲！至于烧鱼有2款，三文鱼同类似银雪鱼嘅白身鱼。我本身好怕佢腥，但食落又唔觉㖞，好味！老嘢就最欣赏佢个煮物同天妇罗，仲话下次佢再唻要叫天妇罗定食，哈哈哈。至于我，最欣赏就系我食完成个set都唔会饱到胀住个胃，非常适量！虽然等嘅时间较长，但系绝对值得，一定会再唻！多谢猪同事嘅介绍