影片
更多
2014-08-17
3503 浏览
759阿信屋四年前只系一间零食店,专走薄利多销路线,近年业务扩展至粮油杂货,酒类,急冻食品,婴儿用品,家庭用品,宠物零食,个人护理用品及化妆品,真系多元化,估唔到而家进军饮食界,开设云吞面舖 呢间云吞面师傅,以前o系观塘工厂区一间茶餐厅主理,o个间茶餐厅因为做唔住执笠, 759阿信屋老板林伟骏o系观塘返工,以前试过佢地o的食物味道相当唔错,今次就揾返呢位云吞面师傅黎开档759云吞面位于长沙湾道与东京街交界,邻近长沙湾地铁站,附近有多个公共屋村,琴日系第一日正式营业,除左附近街坊黎帮衬,仲吸引到一班阿信屋支持者黎朝圣! 本人及朋友琴日下午要到长沙湾迷你仓执野,之后去759云吞面食晚餐,我地大约8:30pm 去到,谂住已经过左晚饭繁忙时间,冇咁多人等位,估唔列新开张o既号召力几大,呢个时间我地两个人都要等30张台先有位 其实我地等位时已经谂定叫乜野食,不过落单时先知道原来好多野都售罄 我本身冇谂住食云吞面系因为肚饿想食饭,同埋听讲佢地巴基斯坦式咖哩系推介食品,咖哩唔系用星马泰式椰奶黎煮,而系用印巴式o既花奶煮,再配大量薯蓉,咖哩香满泻,听到介绍一心黎到想试下咖哩牛腩,点知除左牛腩卖
759阿信屋四年前只系一间零食店,专走薄利多销路线,近年业务扩展至粮油杂货,酒类,急冻食品,婴儿用品,家庭用品,宠物零食,个人护理用品及化妆品,真系多元化,估唔到而家进军饮食界,开设云吞面舖 呢间云吞面师傅,以前o系观塘工厂区一间茶餐厅主理,o个间茶餐厅因为做唔住执笠, 759阿信屋老板林伟骏o系观塘返工,以前试过佢地o的食物味道相当唔错,今次就揾返呢位云吞面师傅黎开档
759云吞面位于长沙湾道与东京街交界,邻近长沙湾地铁站,附近有多个公共屋村,琴日系第一日正式营业,除左附近街坊黎帮衬,仲吸引到一班阿信屋支持者黎朝圣!
本人及朋友琴日下午要到长沙湾迷你仓执野,之后去759云吞面食晚餐,我地大约8:30pm 去到,谂住已经过左晚饭繁忙时间,冇咁多人等位,估唔列新开张o既号召力几大,呢个时间我地两个人都要等30张台先有位
其实我地等位时已经谂定叫乜野食,不过落单时先知道原来好多野都售罄
我本身冇谂住食云吞面系因为肚饿想食饭,同埋听讲佢地巴基斯坦式咖哩系推介食品,咖哩唔系用星马泰式椰奶黎煮,而系用印巴式o既花奶煮,再配大量薯蓉,咖哩香满泻,听到介绍一心黎到想试下咖哩牛腩,点知除左牛腩卖晒,亦都冇咖哩
朋友叫左一碗招牌云吞及原味牛孖筋河粉$35,另外加$8要杯冻柠茶
我就要左五香牛杂饭$50,呢碟饭附送热饮,我就加$2转饮冻柠茶
云吞面店o既装修几似一般759阿信屋分店,都系用类似o既灯及吊扇
墙壁贴上唔同图画,应该系以前759阿信屋举办比赛o既学生参赛作品
最先黎到系两杯冻柠茶,留意到佢地采用高身杯,份量系明显较大杯 饮品唔系咁够冻,落左好少冰粒,隔左一阵已经冇乜冰未溶,唔知系唔系佢地刻意安排,令食客有足料o既感觉
好多茶餐厅冻饮都系落左超过半杯冰,沟淡杯饮品 ,早前有报导话有间茶餐厅要饮品少冰o既客人俾多$2添,由此可见,好多食肆落多o的冰系想节省成本
呢杯饮品比较大杯,不过只得三片柠檬,我认为应该落多一两片柠檬先够味朋友o既招牌云吞及原味牛孖筋河粉快过我碟饭黎到,葱粒先放o系匙上,再由客人决定落几多份量,河粉份量较正常面舖多大约两成,听朋友讲o的牛孖筋几淋
一粒云吞有两只虾,食落都几弹牙,汤底系由大地鱼煲出黎,云吞系由师傅每日即包即煮,大约用6秒就包好一只云吞,绝对足料新鲜又有人情味,而家好多面档为左节省成本,采用工厂交黎o既货
云吞o既虾系带黎鲜味,猪肉系带黎甜味,听到隔离台有食客嫌云吞冇乜猪肉呢间云吞面采用公鸡碗,我觉得几得意 ,其实而家愈来愈多新派食肆用公鸡碗,可能想用黎扮怀旧感觉
五香牛杂唔系预先整定咩? 唔知乜野原因,朋友碗河粉差不多食晒,我碟五香牛杂饭都未黎到 ,伙计已经帮手催单,真系等左好耐先黎,如果唔系对阿信屋o既支持,真系觉得离晒大谱!
等到颈都长,五香牛杂饭终于黎到呀!
见到咁大碗牛杂,真系冇令人失望,白饭系另外用碟上,听讲o的饭系用返759阿信屋有得卖o既火凤凰顶级泰国香米黎煮
牛杂好多部位都有,仲有五,六件萝卜,萝卜都算淋,不过唔知点解我朋友o个碗河粉食到o的牛筋系淋,我呢碗牛杂好多件都系唔淋 ,冇理由水准咁唔稳定
碗汤虽然唔够味,不过我都饮晒
总括黎讲,$50呢个价钱o系长沙湾呢o的基层地区黎讲唔算平,不过份量真系多过普通茶餐厅好多,牛杂几大碗几抵食,份量适合男士,如果女士就最好同人 share
我地两个人埋单系$95,有得八达通俾钱,我钟意! 好多食客都谂住有759会员卡可以有折扣优惠,不过呢间云吞面暂时都冇特别优惠俾阿信屋支持者
$30碗云吞面,份量系几多,只可以话价钱合理,唔少人认为市面最便宜o既云呑面只系卖$14一碗,又有人估唔到食碗云吞面会贵过食谭仔米线,加杯冻饮要另加$8 添!
新开张太多人帮衬,唔做外卖,根本都做唔切生意,好多野都卖晒,水准唔稳定,真系有好大改善空间伙计有帮手催单,可惜情况太乱 ,厨房师傅都顾唔到太多,见到员工做到冇得停都几辛苦
虽然好多野都未及预期,不过员工服务态度好好,另外卫生环境会比其他云吞面舖好
今次759阿信屋踩过界搞云吞面生意,究竟系一份诚意,抑或系为左绰头? 唔同人有唔同意见,老板话云吞面店系做街坊生意,唔请靓女明星剪彩,宁愿悭返o的钱俾街坊食好o的
有人认为佢地公司虽然冇乜花钱卖广告,不过老板好识得借传媒制造新闻,亦有人认为佢地集团影响市场混作,汰弱留强,无论如何,今次搞作算系俾消费者多一个选择
睇报导讲过,佢地迟o的会o系葵涌光辉围开分店,另外o系九龙湾揾紧舖位
日后有机会再去759云吞面,一定要试下「巴基斯坦」咖哩牛腩,同埋希望唔洗等咁耐啦!
题外话/补充资料：
醒目贴士:
- 听人讲呢间云吞面应该会落虾子,或者厨房忙得滞唔记得左落,记得叫伙计落返
- 有余均益辣椒酱供应
(以上食记乃用户个人意见 , 并不代表OpenRice之观点。)
张贴
