養心麵 (已結業)

宜家兴养身，就连车仔面就有新食法。本身超爱车仔面，所以特登黎一试，估唔到中午竟然唔洗等位直入， 明明见到唔少网试post推介，但竟然都系无人流，就已经觉得古怪，于是拣左谂住系最安全既招牌养心面。 点知就连我呢个车仔爱好者都觉得无回头。。。原因系无论系环境，服务，食物，价格都完全无吸引点。 食物要淡唔淡，要浓唔浓，又甜又咸，加左辣酱都救唔到。 汤底同配菜唔夹，面底弹口但无味，加上甜汤同咸既鸭血，直程系好似正餐同捞埋甜品一齐食，味道麻麻，亦都唔觉得健康。我情愿一系食返邪恶既美食又或者健康既食物都好过夹系中间，咁奇怪既味道。 隔离位仲送错order，坐住果张梳发每逢有人坐底定起身，你都一定感觉到，但冷气就偏偏感觉唔到，大热天一定唔想食。除非你好想食又甜又咸既面，如果唔系唔食呢一间，你一定无走宝。