影片
更多
2014-06-20
519 浏览
早几个礼拜，小肥同女朋友去咗时代广场间新戏院Cine Times度拍拖睇戏，入场前当然系要买桶爆谷啦 ！Cine Times小食部就喺卖戏票部隔离，亦即系话，顾客唔洗一定要睇戏先可以买到爆谷等小食，设计𠮶位人兄真系有商业头脑 ！小食部只有一条队，counter后面有一位姐姐负责收银，同埋另外一位妹妹仔负责准备食物，地方望落去都几简单企理。小肥原本想买一桶细爆谷食，但系收银姐姐就提议我地两个人不如买桶中爆谷，因为中爆谷比细爆谷多一陪，但就系只系贵三蚊，抵食好多；XO仔出名心软，耳仔仲软，结果当然系要咗个中爆谷啦 ！收银姐姐效率高，反应快，连埋对答加建议，落单好似打针咁，掂呀！眼见排队等攞食物o既人都几多吓，honey就叫我计时，睇吓我地由比完钱开始起计，要等几耐先有爆谷食。哈，正当小肥睇完表，啱啱影完张单之际，即三分钟唔够，honey就已经叫我攞张单过去攞野食，仲叫我望吓个单号有几长！如相所示，单号为4587457，即七位数字 ，心谂洗唔洗咁夸呀？！甜爆谷（$32/细桶，$35/中桶）：甜爆谷同以前一样，都系朱古力味，不过水准就差好远，更犯下三大爆谷禁忌添！第一，唔热 ：只有
Cine Times小食部就喺卖戏票部隔离，亦即系话，顾客唔洗一定要睇戏先可以买到爆谷等小食，设计𠮶位人兄真系有商业头脑 ！小食部只有一条队，counter后面有一位姐姐负责收银，同埋另外一位妹妹仔负责准备食物，地方望落去都几简单企理。
小肥原本想买一桶细爆谷食，但系收银姐姐就提议我地两个人不如买桶中爆谷，因为中爆谷比细爆谷多一陪，但就系只系贵三蚊，抵食好多；XO仔出名心软，耳仔仲软，结果当然系要咗个中爆谷啦 ！收银姐姐效率高，反应快，连埋对答加建议，落单好似打针咁，掂呀！眼见排队等攞食物o既人都几多吓，honey就叫我计时，睇吓我地由比完钱开始起计，要等几耐先有爆谷食。哈，正当小肥睇完表，啱啱影完张单之际，即三分钟唔够，honey就已经叫我攞张单过去攞野食，仲叫我望吓个单号有几长！如相所示，单号为4587457，即七位数字 ，心谂洗唔洗咁夸呀？！
甜爆谷（$32/细桶，$35/中桶）：甜爆谷同以前一样，都系朱古力味，不过水准就差好远，更犯下三大爆谷禁忌添！第一，唔热 ：只有面层𠮶啲叫做暖暖地，食到中间同底层𠮶啲爆谷直头系涷哂！第二，唔脆：爆谷好腍，好明显已经爆咗好耐，唔再新鲜，即等同不卫生 ！第三，唔够甜 ：甜味分布得唔均匀，毫无味道o既白色爆谷比黏上糖衣o既啡色爆谷多，失败得很呀 ！
以前想食爆谷，好多时真系会专登约班friend去睇场戏，所以得悉系人都可以行入去Cine Times小食部度买野食时，一谂到随时都可以食爆谷，个心真系几兴奋架！当遇上效率高o既服务生时，其实已经暗地里再加分，点知万万估唔到问题却出喺爆谷o既质素度，仲要系三大禁忌犯齐 ，试问小肥又点会觉得抵食呢？！
张贴
