泰海鮮 (已結業)

周末假期中午同老婆加两个朋友入左屯门三圣食番餐海鲜大餐，识拣一定拣中午时分唔洗同人逼～泰海鲜 位于海鲜街最头头果间，非常易揾，中午时间都有营业！今次最想食到濑尿虾，因为自己系家好难整到！泰式香茅濑尿虾第一次食到，淡淡香茅味，同濑尿虾爽甜又几夹！海鲜汤 用左大量杂鱼、蚬肉、蕃茄、薯仔提鲜，最犀利仲有刚刚食过嘅濑尿虾熬汤。鲍鱼用左豉油皇煮，鲍鱼入晒味质地仲非常爽弹。桶蚝用最大路煮法姜葱蚝煲，再加入黑椒调味，蚝肉胀卜卜，鲜味十足！奄仔蟹 通常都会油盐焗，可以保留晒所有蟹膏，蟹肉都非常鲜甜！辣酒煮花螺 平时食唔得辣嘅我食唔到，不过朋友们都话唔系太辣，螺肉唔会过硬，食落阵阵酒味！白酒忌廉煮花甲配乌冬fushion 配搭，忌廉味好浓郁，花甲亦非常足料又无沙，大家对呢碟都赞不绝口！