莆田 (PopCorn 2)

营业中

休息中

夜晚宵夜时段见唔洗等位就试下啦。可能夜，唔多人，所以叫咗野食都好快上齐枱。头盆精美四小拼九转粉肠:爽口弹牙，食落口唔会有腥臭味。水晶猪蹄冻:食唔出有猪脚感觉卤水豆腐:淡淡卤水香，唔会太咸虾苗拌紫菜:甜甜地，好食，好快食晒冰浸苦瓜:苦瓜切到好薄，冰垫底。食落口有凉凉感觉，因为切到好薄，所以唔算好苦，我朋友就觉得一啲都唔苦添。即可以点蜜糖食，甘甘甜甜，好夹。莆田扁肉汤个汤个个名好似唔多同咁，睇见个名同我想像嘅好唔同，但好有惊喜。个汤竟然系酸酸地又好清嘅味，好开胃。扁肉原来系好细只嘅饺，有好多只。椒盐猪手好好卖，我地想叫多啲都无，得返最后2只。唔系太重椒盐咸味，皮好脆，好似食紧烧肉皮咁，肉质好淋。兴化米粉无咩惊喜，但唔差一品海蛎煎炸得好脆，炸粉唔会好黏膜口，口感唔油腻。但始终不级大排挡咬落去粒粒蚝嘅感觉。包菜拌饭有少少惊喜，食落有饭香同甜味，食咗2碗。砂锅红糟鸡似南乳鸡味，亦唔会太浓味同太咸。我拎咗啲汁黎捞米粉好食。总括大部分评价几高，但略嫌价钱同份量唔系太夹，有啲份量少咗啲，价钱又贵咗少少。