Amplifier Restaurant (積福街)

营业中

休息中

大围自从开咗围方多咗过嚟呢区，今次就嚟咗依间环境坐得舒适嘅高质西餐厅，我哋嗌咗餐厅最受欢迎嘅二人餐。精选新鲜生蚝4只🦪生蚝系采用西班牙生蚝，新鲜大只，非常肥美鲜甜。巴马火腿配蜜瓜🥓🍈蜜瓜非常非常甜，巴马火腿大块得黎但又唔会非常咸，十分之夹。蒜香牛油田螺酥皮盒🧈🐚田螺放喺酥皮盒入边，造型特别。酥皮好酥脆，田螺亦都有好多旧。蟹肉龙虾浓汤🦞🦀龙虾汤超浓郁又creamy，入面仲有蟹肉添，令成个汤更加有层次感。香煎日本帆立贝蕃茄酱意大利面🍝帆立贝大粒又煎得香，蕃茄酱亦鲜甜浓郁，每一啖面都沾满酱汁。慢煮美国威灵顿牛柳🐮🥩必点推介！一上枱已经见到个牛柳非常粉嫩，再有黄金酥皮包住，酥皮层次分明，成个口感外脆内软，超好食。是日精选甜品🍫🍨🍓今日甜品系朱古力蛋糕同埋意式奶冻，两款都唔会过甜，为餐饭画上完美句号。