蟹仙海鮮蒸氣鍋 (龍崗道)

营业中

休息中

一入到舖头，店员会热情推介，再用蒸气消毒左碗筷先，店员会推介好多唔同嘅套餐同讲吓有咩推介嘅时令海鲜，听佢讲海鲜都系新鲜空运，最后拣咗个刁钻二人套餐，总共有10款嘢食，另外仲有个粥加糖水。前菜蟹皇海蜇微脆，感觉冻啲会更好味。跟住再上系好吸引嘅龙虾刺身同埋北极贝加牡丹虾，刺身甜口新鲜，好鲜味，推介一定要食北极贝。跟住再上有鲍鱼，青口，韩国蚝，虾同埋纽西兰刀贝蚌既蒸海鲜拼盘，海鲜全部都好大只，正👍有唔同嘅款式每人一只，好丰富，姐姐话青口系赠送，见佢咁大只，平时唔食佢嘅我都俾咗次机会，吾会好似平时青口既腥，好浓郁嘅青口同海水味。跟住再上我最期待嘅龙虾同埋蟹，两者都膏，龙虾肉质弹牙，蟹肉清甜又有邪恶嘅膏，都大只既😍😍最后食埋蒸蔬菜，同埋个粥底。最后食埋甜品，为完美嘅晚餐画上句号。