影片
更多
2010-03-20
30 浏览
家人都知道小弟唔钟意生日大肆铺张所以话只系食餐饭就算点知上菜先知道唔系话食餐普通饭咁简单而系一餐都几富豪o既一餐...世上只有爸妈好地点:家人都一早到逹, 小弟后join间铺位于湾仔旧街巿对面, 因为少弟唔熟对面海而且间铺个门面都唔系话好显眼所以都揾得小弟一阵阵不过走o既时候发现如果识路的话其实湾仔站B3一出,行唔洗两分钟就到环境:铺面系地下, 但原来营业系一楼有知客姐姐帮你按lft上楼, 都几过隐好有传统大酒楼o既感觉但上到去一啲都唔似大酒楼(咁老套)装修唔系话非常靓但都feel到系做中高级餐馆路线环境都算憩静舒适食物:头盘---海蜤 : 小弟钟意味浓o既野, 所以觉得唔系好够味, 但够爽滑头盘---卥水猪脚仔: 味道啱啱好, 又够稔头盘---卥水掌翼 : 味就够喇, 但个卖相一麻麻, 炆到溶溶地咁主菜---清汤大鲍翅 : 咁大个仔都未食过咁大块翅 , 条条都粗过牙签!!! 个高汤都好正, 好浓郁o既金华火腿甘香, 亦唔会话好咸主菜---原只四头南非鲍 : 又系咁富贵o既一道菜, 虽然唔系好明点解咁细旧野要卖到咁贵, 但真系好好味。个汁都好香口, 搞到小弟为左唔浪费啲汁, 立刻叫左个
所以话只系食餐饭就算
点知上菜先知道唔系话食餐普通饭咁简单
而系一餐都几富豪o既一餐...
世上只有爸妈好
地点:
家人都一早到逹, 小弟后join
间铺位于湾仔旧街巿对面, 因为少弟唔熟对面海
而且间铺个门面都唔系话好显眼
所以都揾得小弟一阵阵
不过走o既时候发现如果识路的话
其实湾仔站B3一出,行唔洗两分钟就到
环境:
铺面系地下, 但原来营业系一楼
有知客姐姐帮你按lft上楼, 都几过隐
好有传统大酒楼o既感觉
但上到去一啲都唔似大酒楼(咁老套)
装修唔系话非常靓
但都feel到系做中高级餐馆路线
环境都算憩静舒适
食物:
头盘---海蜤 : 小弟钟意味浓o既野, 所以觉得唔系好够味, 但够爽滑
头盘---卥水猪脚仔: 味道啱啱好, 又够稔
头盘---卥水掌翼 : 味就够喇, 但个卖相一麻麻, 炆到溶溶地咁
主菜---清汤大鲍翅 : 咁大个仔都未食过咁大块翅 , 条条都粗过牙签!!! 个高汤都好正, 好浓郁o既金华火腿甘香, 亦唔会话好咸
主菜---原只四头南非鲍 : 又系咁富贵o既一道菜, 虽然唔系好明点解咁细旧野要卖到咁贵, 但真系好好味。个汁都好香口, 搞到小弟为左唔浪费啲汁, 立刻叫左个白饭。不得不赞系o既系𠮶两旧西兰花, 好有心机咁落左少少酒辟左啲菜青味
主菜---例牌烧乳猪 : 唔知系咪因为个风口对正张枱, 而小弟又忙于享受只鲍鱼, 食得乳猪黎已经唔系好热, 虽然系咁, 啲皮仲系好脆。小弟谂作为啲度o既招牌菜, 如果趁热食会仲好食。用佢题供o既白色薄饼夹住食仲正
主菜---啫啫唐生菜煲 : 个煲热到啲菜啫啫声, 名副其实。咸虾酱好香, 不过啲菜出得太多水, 系咪师父隔唔晒啲水? 不过都香口惹味
主菜---爱尔兰蛏子王 : 好大只 虽然唔够筷子长, 但已经觉得好犀利!!肉质爽甜, 正!
主菜---生炒骨 : 估唔到生炒骨都可以咁好食! 平时去大排当食, 啲粉又厚又稔, 啲肉又粗。但呢度o既生炒骨, 啲粉唔太厚, 汁唔会话太多浸稔个皮, 而肉汁又保留住系入面
甜品---生果 : 唔洗煮o既野, 冇乜好讲
甜品---糖水 : 太饱喇, 与其浪费不如唔食, 所以冇叫到。
其他:
服务态度都ok啦, 虽然我地坐得比较角落头,
但伙计o既反应都算快。
撇除翅同鲍鱼, 其实啲菜都唔算太贵,
平均每道菜都系$68-$98左右,
小弟估计人均消费大概$150左右啦(撇除翅同鲍鱼)。
如果要见客, 黎呢度食都应该唔会失礼。
同埋好似话自己带酒唔洗开瓶费,
难怪后面𠮶枱𠮶两个人系度一边饮红酒一边品评红酒,
似乎系行家。
鸣谢:
咁迟先打呢篇野系因为呢两个星期比较忙
本身打算过左咁耐都系算数
但小弟实在系想籍呢篇食评, 顺道多谢小弟o既父母
请左小弟食一餐咁豪华o既生日饭
不计其烦都系讲多次
世上只有父妈好
张贴
