川粵時光 (已結業)

今日黎到第一个既感觉就系所有野都好靓！坐落铜锣湾极佳地段无敌维港景，呢度个装修同环境系舒适宽敞，豪得黎一啲都唔老土，啱哂倾计饭局。几个头盘都已经好有惊喜，包括酸辣鱼皮，凉拌秋葵，蒜泥手拍青瓜。鱼皮口感十分爽口，辣辣地当零食真系愈食愈过瘾。拌秋葵既汁系一种几特别既酸辣，作为开胃菜一流。手拍青瓜一向都系我至外，入口凉爽，蒜泥香而个汁够酸辣，好食开胃。夫妻肺片呢度都做得好唔错，肺片爽口又入味。开胃酸菜青鲈鱼系今晚既重心主菜，鱼片滑到不得了，直头系跣住入口咁。伴底既面线连酸菜汤一齐食都好正，所以就算份量唔细都好快食哂，因为真系正。黄金椰菜花都系一大推介。个蛋黄酱炒落椰菜花好邪恶但超级香口惹味。红糖冰粉夏天食真系好爽，食完一餐辣野个人出左啲汗，脷又有啲麻既时候食，个人即时凉爽哂。荔枝养生花茶色彩缤纷，味道清新，视觉味觉都照顾到。食物环境气氛都有，地点方便，倾计饭局又一新选择。