大丼屋 (已結業)

今日又去咗城门行山 行完之后攞去荃湾揾食 见到呢间大丼屋心血来潮就入去试下啦首先叫左个 岩石炸鸡爆丼定食 鸡嘅份量十分惊人 如图所见 鸡系好似一座山咁样压喺饭上面 古有泰山压顶 而家就有炸鸡压饭 真系前无古人呀 而且鸡肉炸得好香脆酥软 鸡肉味亦都好浓 饭嘅质感亦都唔软唔硬 啱啱好 值得一赞北海道海鲜丼定食 同炸鸡丼一样 北海道海鲜丼嘅材料亦都十分丰富 有三文鱼 油甘鱼 带子 蟹籽 珍宝赤虾 同埋我最钟意嘅海胆 三文鱼油脂丰富 肉质肥美 油甘鱼鱼味突出 带子鲜甜可口 蟹子爽脆弹牙 珍宝赤虾鲜甜富海水味 而海胆更加系甘香满口季节蔬菜天妇罗 呢个天妇罗有南瓜 蕃薯 矮瓜同冬菇 全部食材都几新鲜 而且炸得唔肥腻 几好几好鳕鱼片 虽然睇落好似薯片咁样 但系佢真系名副其实嘅鱼肉做出嚟嘅片嚟嘅 非常之富有鱼味 而且好脆口鸡骨肠 非常之有鸡味 唔似普通香肠咁得个咸字猪肉饺子 用料十足 入面嘅猪肉非常之有肉汁 而且几爽口弹牙 饺子皮亦都炸得好脆口章鱼小丸子 烧得刚刚好 入面嘅章鱼粒都好弹牙爽脆 出面嘅粉团炸得够干身玄米茶 解腻消滞之选