Franape Bar & Restaurant (已結業)

约埋三五知己又或者系猪朋狗友去得既地方多数都系落酒Bar, 我就今次提议想食下野饮下酒轻松下，其实系我之前一日饮完所以想休战至真，哈哈。我地就照旧去太子酒吧街揾地方，见到呢间几四正就坐低。前菜当然叫左小食，有炸鱿鱼圈，上台系成串企起度，有d感觉似长洲果支薯条。鱿鱼圈炸得香口兼弹牙，又够大份，抵食。今日我就饮左一款手工啤，我都吾知系咩味道，只系知道系有黑加伦子味既啤酒，味道似提子味既啤酒。跟住都系小食主角薯条，不过加左黑松露焗既，食法有d变化，有好香既松露味芳香扑鼻，又有芝士起面层，真系味道几浓厚。煎鹅肝就味道一流，话哂呢间系食法国菜，我地叫左两客惊吾够食，鹅肝外层香脆刚刚好，切开肉汁流出来，咬入口真系好味到无得弹，可惜再大份量d会再好味d呀仲有系烧猪手，呢度菜其实煮得好食都几难掌握，我见呢度系主打我就试试，又真系有惊喜。烧猪手外层系好脆既，里面切开完全吾会干，仲几有肉汁，相信时间掌握得几好。味道带些香辣味，因为有酱汁伴碟上，夹埋食好正。