影片
更多
2010-09-15
14 浏览
晌金不换食完饭，因为佢甜品选择唔多，所以我哋过咗荃湾市中心再食过甜品，本打算食松记，见太多人，转战小樽甜品屋，以前都食过觉我佢嘅甜品都OK，所以不妨再试！我哋各有所好，结果就分别叫咗7款嘢。蕃薯雪糕石榴露（$20）我试嘅系雪糕石榴露，雪糕有几款可以拣，我就要蕃薯味，少食丫嘛。奶黄色嘅石榴露，加一球蕃薯味雪糕，个样就唔突出架喇，但食落口真系估佢唔到其貌不扬，石榴味咁清又咁重手，好得，加上够晒冻，确系消暑妙品，再配埋蕃薯味雪糕，好似咬紧旧雪冻嘅蕃薯咁，真系意外哋好食！热芒果紫米露（$20）老婆传统少少，要个热芒果紫米露，紫米露加咗椰奶，而芒果肉加上芒果汁就另碟上，都系沟埋一齐哩食，芒果肉熟透所以好香甜，不过紫米露就一般般，虽然唔太甜，个人就觉得质感比较糊。其他系朋友反映嘅意见：芒果石榴露（$22）- 石榴露，朋友A都赞，石榴味清得哩够浓郁，加片芒果肉同食，几正！十胜杯（牌价$24，推广价$20）- 重点系北海道十胜红豆，加埋雪糕两球（任择两款）、火龙果、椰果，插多两条蛋卷。朋友C有啲呻笨，个十胜杯应该叫杂果雪糕杯啰，得个一小撮红豆，少得可怜，被个「十胜红豆」氹咗落搭。木瓜炖鲜奶（$17）-
蕃薯雪糕石榴露（$20）
我试嘅系雪糕石榴露，雪糕有几款可以拣，我就要蕃薯味，少食丫嘛。奶黄色嘅石榴露，加一球蕃薯味雪糕，个样就唔突出架喇，但食落口真系估佢唔到其貌不扬，石榴味咁清又咁重手，好得，加上够晒冻，确系消暑妙品，再配埋蕃薯味雪糕，好似咬紧旧雪冻嘅蕃薯咁，真系意外哋好食！
热芒果紫米露（$20）
老婆传统少少，要个热芒果紫米露，紫米露加咗椰奶，而芒果肉加上芒果汁就另碟上，都系沟埋一齐哩食，芒果肉熟透所以好香甜，不过紫米露就一般般，虽然唔太甜，个人就觉得质感比较糊。
其他系朋友反映嘅意见：
芒果石榴露（$22）- 石榴露，朋友A都赞，石榴味清得哩够浓郁，加片芒果肉同食，几正！
十胜杯（牌价$24，推广价$20）- 重点系北海道十胜红豆，加埋雪糕两球（任择两款）、火龙果、椰果，插多两条蛋卷。朋友C有啲呻笨，个十胜杯应该叫杂果雪糕杯啰，得个一小撮红豆，少得可怜，被个「十胜红豆」氹咗落搭。
木瓜炖鲜奶（$17）- 朋友S话抵食，原个夏威夷木瓜做，木瓜肉清甜，挖干挖净哩食都有几多瓜肉，炖鲜奶个部分都OK，几滑身！
芝麻糊豆腐花（$18）- 小妹妹L搞到个豆腐花好样衰，味道唔知，小妹妹无表态，只系发老脾怨我哋好话佢搞到碗嘢咁丑样，好似坑渠豆花咁。
芝麻糊加汤圆（$21）- 另一个朋友A话芝麻糊幼细够滑，芝麻味几香，确系唔错！
依家嘅甜品铺都想啲客流快上快落，坐得逼逼夹夹都预咗喇，所以我都未所谓，如果唔系天气热又有啲雨，我都拣坐出面露天位，阔落啲，空广啲！整体味道都几好，但制作速度就好有问题，最早上枱同最迟上枱嘅甜品竟然相差近15分钟，我同个朋友食完个石榴露好耐，个芝麻糊加汤圆先最迟上，连个木瓜炖鲜奶都快过个碗芝麻糊，真系唔知系啲黑芝麻未磨好？定抑或买紧糯米粉搓汤圆皮？耐人寻味！
张贴
