雲陽 (已結業)

去完pre-wedding返黎，为食麻辣、为见契B仔，约左去试试云阳，小食爆谷嘅味粉与别一般有香辣味道。水煮鱼片好滑又够麻有薯粉做底增添爽口感。干煎鸡好干脆其实同辣子鸡丁无两样，味道咸香，稍欠配料如花生、腰果之类，有就更完美了。老锅汤牛筋腩好淋又入味辣同麻十足，不过同水煮野一样劲油。鱼香茄子酥因为系契B妈点嘅，唔睇点餐纸食左都唔知系乜东东，味感唔觉出色。小笼包好多汤汁同肉汁皮亦够薄，为$10.5一个，有点贵。回锅肉多腩肉所以都系～油～油～油。甜点辣椒朱古力雪糕同桃仁甜板，雪糕有辣椒皮朱古力味颇浓，口内溶化时先觉得呛喉，冰冻之中火辣辣，一试无妨，但$52加十巴仙一个球，确实有点贵。桃仁甜板外皮煎过热热的似煎汤丸烟靱的，合桃有咬口，淋了少少黑醋同炼奶，系一款值得推介嘅甜品。