鰻工房

营业中

休息中

知道朋友钟意食鳗鱼，上网睇左好几间鳗鱼专门店，呢间位置方便，约埋佢一齐去食！我地分别叫咗一款平啲同贵价因嘅鳗鱼饭，睇吓到底有咩分别！生烧鳗鱼丼，$188，第一次听生烧鳗鱼，佢有分白烧同汁烧，我拣咗白烧，即系只用盐调味去烧，无加酱汁，食落去同平时酱汁烧嘅好唔同，几有口感，鱼肉几爽弹，不过鳗鱼嘅份量都几少，呢个价钱都算贵。佢个饭有紫菜、鸡蛋丝。另加$18转套餐，套餐有温泉蛋、咸菜、鳗鱼肝白贝汤同饮品。蒲烧鳗鱼玉子丼，$98，正所谓一分钱一分货，呢个平一半，绝对有原因，鳗鱼同平时食开嘅分别不大，玉子几大旧，但我觉得太老，而且饭入面无咩蒲烧汁，可能系因为生烧鳗鱼太好食，对比比较大。