蛇王協

营业中

休息中

天气开始凉，正所谓秋补冬藏，系时候食蛇羮打好个底迎接冬天来临。同朋友倾开话好耐无食过蛇宴，以前好多时去的工会食但而家好少见，有人提议不如去蛇舖食，谂住货真价实好过去酒楼食味精，本身打算去中环蛇王芬但朋友话深水埗都有几间老店，而且佢地有椒盬蛇碌食，最后就决定去蛇王协，始终有的名气。当去订嘅时候原来蛇舖冇位要转去附近酒楼，但唔知边到，既然都去到是旦啦，到食个日中午都冇人回覆就打去问，结果派去石硖尾－酒楼。去到发现环境都唔错，－定比蛇铺濶落，当晚有成10张枱而酒楼亦分咗二楼食蛇宴，心谂塞翁失马焉知非福。上第一度蛇羮，真系正，每人分两碗半，个个食得好开心，然后炸蛇丸，感觉都唔错，但只系暖暖地，唔知系咪炸完再送过嚟，都有七拾分，然后系大家好期待嘅蛇碌，又唔热，唔香，唔脆，大家心知不妙，之后蛇腩，炒蛇片都麻麻，或者雪藏货，失望。鸡一般，姜㯴只有姜没有葱，失败，蚊所谓山瑞，似煲汤猪肉，得个霉仔，汤可以有好重药材味，最后上生炒糯米饭，唔似炒，只系隔水蒸再加花生葱同几片腊肠，豉油都忘记落。整体而言，紧紧合格但失望，或许蛇宴已不合时宜，用的雪藏材料怎会有鲜味，跟二三拾年前无得比，以为食蛇羮算。