博多拉麵別天神 (已結業)

响酷热天气警告之下，其实真系食咩都无胃口，时间到咗两三点，始终都要揾少少嘢食，响人来人往嘅湾仔， 见到电车路旁边有一间小店食日本拉面，价钱唔贵，就入去试吓。店入面唔算多人，只有靠住厨房几个吧枱位，可以清楚望到厨师一举一动，感觉犹如置身日本街头面档一样，当然呢度有冷气更胜一筹。呢度一拉面加一小食只系＄110左右，湾仔午饭价钱来说绝对不贵，因为茶餐厅一个碟头饭都可能已经＄6-70。餐前小食要咗小龙虾沙律，十分开胃，小龙虾清甜，沙律酱不会过多，有少少芥末味，旁边仲有几块脆脆的紫菜，用来夹着小龙虾沙律吃，食落感觉有层次。拉面要咗豚骨汤拉面，份量十分多，汤底浓郁，有少少浆嘴感觉，胶质好多，拉面不算好弹牙，但糖心蛋好滑，蛋白外层用酱油腌过，咸咸地味道不错。好快就食完呢一餐，整体感觉不错，但又要开始辛劳一日。