輕鬆一下 (已結業)

周末难得轻松一下，同先生睇戏之前食个下午茶医下肚，呢间系我哋细个成个帮衬嘅小店，以前用「平靓正」可以形容哂，时隔多年再嚟，价钱贵咗唔少。细细个廿几蚊碗嘅车仔面，已经加到四十几蚊一碗，而且面量偏少。我哋拣咗腩汁幼面配柱候牛腩、猪颈肉同白萝卜，汤底偏淡，牛腩软腍入味道，猪颈肉同白萝卜中规中矩。碗仔翅依然系记忆中嘅味道，浓稠适中，肉丝冬菇等算足料，但鱼肉粉感较重。炸脾令人有少少失望，外皮唔脆，轻轻炸过就算，肉质软嫩但唔够入味，但必须一赞嘅系侍应会提供手套，唔洗食到只手油淋淋。车仔面送热饮，转冻饮要加六蚊，算系偏贵。百物腾贵好合理，但加价嘅同时希望质素亦能够保持，咁先唔会令街坊失望。