穴蔵

营业中

休息中

同同事喺九龙塘开完会揾个地方食个正lunch, 同事介绍去又一城呢间日本餐，咁就去试咗。同事食刺生set我就食天妇罗荞麦面配寿司餐。食物嚟到卖相都ok，有啲摆盘嘅，但谈不上精致。天妇罗炸浆较厚，但温度够，食落热辣辣，只炸虾都算弹牙，其他蔬菜都鲜甜，荞麦面食落顺滑，汤底唔会过咸，反而主角刺生就麻麻哋，鱼味比较淡口，但好彩都叫做新鲜同有弹性。试咗同事嘅刺生set个鱿鱼，入面包住啲海胆，海胆好腥，味道麻麻哋。服务都可以，上菜快，会自动自觉加茶，侍应都好敏感客人需要。整体而言性价比唔高，呢个价钱可以有更好选择。