浩食冰室

营业中

休息中

之前嚟过三次，感觉都几好，于是乎今日又再比一次机会佢哋。 点知发觉佢哋嘅质素每况愈下，其实有阵时就系咁㗎喇，你间餐厅点样做死自己，点解冇客，就系因为你哋嘅质素明显下降，啲客系睇到㗎。好似块多士吖，又淋又韧，完全唔系即刻烤，但系谂一谂㖞，我哋喺佢哋开门冇耐就入去帮衬，咁代表咩？代表佢哋个厨师懒啰，一次过做定晒放喺度╮(￣▽￣"")╭ 其实之前几次佢哋啲多士系热辣辣咁上枱㗎，所以我觉得佢哋质素仲可以，点知今次。。。 个沙嗲牛面我朋友话OK，虽然个卖相不佳。但我嘅雪菜肉丝面啲雪菜就劲咸，啲肉丝黐埋一堆堆，撩到撩唔开🤦🏻‍♀️ 反而佢杯嘢饮都唔错，唔会好似其他餐厅咁啲柠檬🍋冇味，而我杯阿华田都唔会话冲到好淡。 除咗块多士，质素服务普普通通，$33一个早餐算系咁。