金裝燉奶佬餐廳 (嘉湖新北江) (已結業)

上个星期日带表哥入黎天水围，本来想食台味，但太多人。结果转而阵地到呢度食饭。估佢唔到既系下午茶有炒粉面食，仲要有甜品送，太正啦。日式炒公仔面都等左好耐下，但无令我失望。呢度既炒野比到我好大既信心。而公仔面算炒得几烟韧，料就普通，但胜在足料既。有火腿、蟹柳、虾仁等等。当然，呢次既炒公仔面系相当获气，无令我失望。不过要弹既系，个炒公仔面咸左小小，下次可以落小酱油既。红豆沙伴凉粉其实凉粉系好普通，只系令个糖水丰富。而红豆沙味道唔错，好多红豆，又唔算太甜。呢间野最好既系，除左可以要饮品配餐之外。仲可以要甜品，呢个系我帮衬佢既其中一个理由。