影片
更多
2020-12-09
56 浏览
疫情关系，唔能够每年（最少）一次「寻找他乡的故事」，返日本，唯有食寿司望梅止渴。黎到铜锣湾，谂到嘅寿司已经唔再系大路嘅X气/X长/X両，而系新兴嘅「立鮨」。故名思义，「立」指站立嘅意思，客人需要企足全程。对于老人家未必太适合，不过对于年轻力壮嘅我都仲绰绰有余嘅～立食需要嘅位置较少，令老板可以将租金嘅成本去采购更好嘅食材！ 立鮨餐牌有寿司、刺身、手卷、厨师发办set等，寿司种类繁多，仲有当造日本直送海鲜special，每件定价$9-68不等，丰俭由人。拣选寿司后，剔点心纸，师傅按单一次过即做，我通常逐次落单，免得火炙寿司因为一轮叫太多而冻左。古语有云，「冻咗唔好食呀」！ 餐具用上「防疫kit」，全部即弃，wasabi系膏状𠮶种，疫情关系明白嘅。喺第四波疫情前仲系用紧即磨嘅山葵，即磨嘅始终好食啲～ ==============================油甘鱼腩寿司（限量）$38上面有柚子酱，带少许柚子皮，鱼肉色泽「令」身，油花均匀分布，入口滑溜柔软，喺口中化开，配搭柚子酱中和油腻感，可惜鱼肉回甘味唔突出 中吞拿鱼腩寿司 $38颜色粉红，油脂纹理如雪花，有鱼油甘香，入口即溶 😌珍宝赤虾
立鮨餐牌有寿司、刺身、手卷、厨师发办set等，寿司种类繁多，仲有当造日本直送海鲜special，每件定价$9-68不等，丰俭由人。拣选寿司后，剔点心纸，师傅按单一次过即做，我通常逐次落单，免得火炙寿司因为一轮叫太多而冻左。古语有云，「冻咗唔好食呀」！
餐具用上「防疫kit」，全部即弃，wasabi系膏状𠮶种，疫情关系明白嘅。喺第四波疫情前仲系用紧即磨嘅山葵，即磨嘅始终好食啲～ ==============================
油甘鱼腩寿司（限量）$38
上面有柚子酱，带少许柚子皮，鱼肉色泽「令」身，油花均匀分布，入口滑溜柔软，喺口中化开，配搭柚子酱中和油腻感，可惜鱼肉回甘味唔突出
中吞拿鱼腩寿司 $38
颜色粉红，油脂纹理如雪花，有鱼油甘香，入口即溶 😌
珍宝赤虾寿司 $15
师傅预先帮客人搣咗虾头，用上少许青柠汁将赤虾嘅鲜味带出
本鲔赤身寿司
$20
0 浏览
0 赞好
0 留言
肉质结实、有咬口，对于唔太喜欢「大拖」太重油脂嘅我嚟讲，赤身重肉味，感觉清爽
青瓜小卷（6件）$9
之前喺尖沙咀嘅分店，师傅会花工夫将青瓜切丝，青瓜丝同醋饭融为一体，铜锣湾店青瓜用切条嘅方法，略为逊色
深海池鱼刺身（三片）
$68
0 浏览
0 赞好
0 留言
表皮散发银色嘅光泽，鱼片透明润泽，入口清甜，鱼油慢慢渗出
鳗鱼寿司
$15
0 浏览
0 赞好
0 留言
厚身，鱼肉松软，因为火炙过先上枱，所以带微暖，突显鱼油香，身为鳗鱼爱好者嘅我哋，encore手卷！
鳗鱼手卷
$18
1 浏览
0 赞好
0 留言
手卷用紫菜将鳗鱼紧紧包住，师傅会细心地用细块紫菜，包一包手卷底部避免鳗鱼汁系手卷底部流出，学到日本人嘅细心值得一赞！个人觉得鳗鱼手卷比寿司更出色
唔怕企住食，食住企嘅你一定要考验下脚骨力喇！
立鮨
📍 铜锣湾谢斐道535号Tower 535地下03A号舖
张贴
