元朗合隆潮州粉麵 (益發大廈)

营业中

休息中

新开张，朋友又劲推介，所以今日红日中午黎食。前两日已经买外卖试左佢嘅醉鸡同炸鱼皮，我唔知佢用花雕定系槽卤，只醉鸡醉到过咗龙，食几旧ok嘅，食成半只就愈食愈觉得苦，可能我唔识食，哩D先至系正野。至于炸鱼皮，学苏丝黄话斋，系硬嘅，一D都唔脆。讲返中午黎食哩餐，两个人叫左两碗河粉，一碗系鱼皮饺、墨鱼丸、鲜牛柏叶拼纽西兰羊片，另一碗系猪大肠、鲜牛肉拼墨鱼头。两碗都系胡椒猪肚汤底。小食叫咗麻辣猪耳。仲叫多两罐汽水。我哋中午两点黎食，炸鱼皮同一字骨已经卖晒，所以一字骨试唔到。河粉系好食嘅，汤底亦好正，唔饮埋有D嘥，但所有自选嘅食材就份量少质素亦麻麻，当中比较好食系鱼皮饺，但系得两粒。墨鱼头同墨鱼苏就渌过龙，缩左水又有D韧。鲜牛肉就有一浸猪润味。羊片就系佳宝D肉。至于麻辣猪耳份量一样系少，成$38，得几旧，唔知系唔系新鲜猪耳，颜色比较浅，食落口感介乎爽脆同硬之间，但就够辣。縂结，埋单$180，推介系辣椒油同胡椒猪肚汤，佢哋自己话个汤系冇味精，如果系真，应该贵就贵在煲汤度。