元朗合隆潮州粉麵 (益發大廈)

营业中

休息中

臨last order先黎幫襯，好彩d侍應都好nice話無所謂唔會阻佢哋收工，所以一坐低就拿拿淋叫野食唔好左諗右諗。豬軟骨米粉嘅豬軟骨同碗米粉竟然咁認真分開上，豬軟骨嘅軟骨部份唔算多，而且d肉比較瘦，所以有少少鞋。佢碗米粉嘅湯底係胡椒湯，好驅寒，味道唔錯。呢碗自選系列就揀咗魚札、豬粉腸同墨魚頭。墨魚頭好青爽好新鮮，呢度嘅魚札入面唔係傳統嗰d青瓜絲蘿蔔絲，而係鯪魚肉，搞到好似魚皮餃咁。豬粉腸都洗得乾淨，無乜腥味。

雞無雞味，諗住快靚正，點知無得食。2個白飯$40。雞$88。共$131。隻雞一到手凍的，打開一聞，藥水味好大，問左唔可以換，最後白飯撈薑蓉，真係好差，建議大家真係唔好係度叫雞😅。

而家呢個天氣就係會想食啲暖肚嘅嘢，成日聽同事講佢個胡椒湯好正，今次試完真係覺得好好味，一飲就知係煲咗好耐嗰種唔係用粉開出嚟嘅，配咗佢個蠔仔同埋豬膶兩樣都好好味，下次再試吓其他嘢。

Since my aunt recommended this resto, I went here with my family to have a try. .My sis and I got Small Pork Offal with Rice Noodle. The pork offal included liver, sausage, intestine, lung, stomach, ear and tongue. The offal was a bit dry and tasted quite plain. Seemed they couldn't really absorb the flavour of the broth well. The liver was thin.My mom got Small Braised Beef Brisket and Tendon in Chu Hau Sauce with Rice Noodle, while my dad had Pig Stomach, Bean Curd Sheet and Fish Cake with Ric

由灣仔食到鰂魚涌，由鰂魚涌開张食到忍唔住寫佢差，猪肉青一啲都唔爽，大肠、蠔仔用梳打粉乸到無哂味😮‍💨已經好少幫襯。唔怪之得香港人要北上消費😮‍💨希望其他分店可以維持到基本水準。

聽個客介紹，話呢度專食豬什，食lunch諗住去試吓，難食到一個點，豬什全部清水白烚，豬膶變豬乾，係豬肉乾個乾，再加啲淡味如水嘅胡椒湯，真係忍唔住食兩啖走咗，又浪費左$50

🎈 建議場合：#即興食飯👤 建議人數：4人（最多可容納6人檯）【2個人食咗啲咩？】- 三拼粉麵（豬肉青、珍珠蠔仔、黑豚肉餃、招牌胡椒豬肚湯米粉）$53- 三拼粉麵（豬潤、豬肺、珍珠蠔仔、清豬骨湯河粉）$53⭐⭐⭐⭐⭐「足料平民潮州粉麵」個豬骨湯真係好濃味，好足料！個胡椒豬肚湯都好香胡椒味，唔會太辣或者太苦。雖然兩個湯底都好出色，但係如果兩個湯底比較，我會揀清湯，因為真係好好飲，飲完個胃即刻舒服曬，又唔會好重味精，飲完唔會口渴。啲蠔仔好新鮮肥美，同胡椒湯絕配，辟左蠔仔嘅腥味。其他豬肉食材都處理得好好，煮得岩岩好，唔會太老，又唔會有豬腥味。河粉都好夠滑，米粉就正正常常～個鋪位都有啲難搵，平時好難會突然經過個到，但係真心推介大家可以特登走去試下佢地啲野食，性價比好高！冬天亦可考慮過去打邊爐～最後想講下點裡面嘅姨姨同叔叔服務態度好好，好親民，好好人，有機會一定會再幫親佢地！📍 **元朗合隆潮州粉麵****

呢間小店的胡椒湯簡直冇得輸，個湯底勁胡椒味，唔會覺得好辣，食完成個身暖笠笠。我相信如果冬天嚟食一碗成個身暖晒。好彩呢度冷氣夠，如果唔係夏天都好熱。地方尚算乾淨企理，但比較狹窄。另外黑松露餃子，值得一試，味道濃郁。而個豬膶又唔會腍啤啤，入口又唔會好粉，如果鍾意食內臟的人都值得一試。

試咗碗豬雜銀針粉 料係幾多嘅 但係食唔到豬雜味噃 D豬雜淡茂茂完全係無鮮味嘅 新鮮豬雜唔會咁! 求其自己淥D粉腸都好食過佢N倍 唯一可取係材料份量足 我叫了大碗! 主打嘅胡椒湯又係無乜特別 普普通通唔難飲就係啦 仲有招呼服務真係唔掂 咁嘅水準都開到分店 真係恭喜晒了! 要滿200字先可評分味道?我係呢度比一粒半星!

老闆娘態度極惡劣，衰過澳牛一行入舖頭同店員示意嗌外賣，有個職員帶咗我去收銀處落單，本身已經喺門口諗好食咩，同老闆娘講要白胡椒湯底，老闆娘態度已經好差咁講：「白胡椒湯唔洗同我講，我地本身就係」，我又唔喺度做，就算係都可以禮貌地講下次唔需要講。之後嗌餸，一開口老闆娘就話：「你阻住咗後面，呢度有紙寫。」同一句說話重覆咗好多次話我阻咗後面外賣客落單，本身已經喺門口諗好食咩，開口就比老闆娘鬧，又唔係慢慢嗌，難道其他客人就係客，我就唔係？連單都唔想落咁，問心係幾好食，但就算幾好食唔會再有下次，未食已經要受氣，屋企樓下都唔會再幫襯！如果外賣要寫紙，可以一早講明，明明店內唔多客，等叫外賣都係一兩個，需要咁講嘢嗎，同一條街其實有好多好嘢食，隔離大業個老闆態度超親民，老闆娘唔該學吓！

位於鰂魚涌/太古區，東匯坊巷仔旁邊，不嬲係打工仔美食天堂🤣行到最入就係元朗合隆潮州粉麵真係我愛店之一！有牛雜牛腩、豬潤豬心豬肚、蠔仔等等嘅餸揀（當然仲有好多）麵的方面，有米粉、河粉、油麵、銀針粉等湯底方面：馳名白胡椒湯、清湯、麻辣湯底🔥如果覺得唔夠辣，可以加辣椒汁🌶️放喺枱面隔離！特別係可以叫員工比辣菜甫單食真係超辣的🥵浸喺湯入邊會好啲今次叫了2個餸（豬潤、鯪魚球）+河粉+馳名白胡椒湯（好好飲，如果唔鍾意食芽菜/芹菜就揀走青）$43一碗📌食物評分：⭐️⭐️⭐️⭐️⭐️📌環境：⭐️⭐️⭐️⭐️📌回訪度：⭐️⭐️⭐️⭐️⭐️

呢日跟人去食豬油撈，跟人唔做井底蛙。唔講我唔知道佢係元朗開到出嚟，好似灣仔仲有分舖。認知中都會食潮州魚蛋，潮州粉果，不過就無特別潮州粉麵。睇到餐牌劈頭寫住白胡椒湯底馳名，足夠令人心心眼，事關湯痴嘅我，試過好好味嘅胡椒豬肚湯，有助抗抑鬱焦慮，不過都成為回憶。講返通常牛丸至係老闆心機同手工，再雙拼咗魚皮餃，粗麵不二選，滾湯另上值得一讚。撈豬油的確係香啲，落咗極少份量，食完已經凝住咗全部心肝脾肺腎膽血管

今天第一次試了這家潮州粉麵店，發現有得選湯底，便選了白胡椒湯。配料同時揀了豬肚，這湯河便成為胡椒豬肚湯，十分好味！以前經過灣仔總店都未幫襯過，今次幫襯鰂魚涌分店，地方企理，令人食得舒服！

我諗好多其實都冇聽聞過呢間小店，都係因為早一陣子睇一個YOUTUBER讚完之後引起全城熱話，令好多人鋒湧黎潮聖。當日去到分店時間尚早，等幾分鐘就有位，但一入座冇耐出面就開始多人等位。入面裝潢都係走以前茶餐廳風格，懷舊綠色。🔥豬雜銀針粉(小) $ 40★★★☆☆豬雜最麻煩就係清洗，係心機時間之作，因為一啲唔乾淨就影響哂成碗野。因為係叫細碗，所以每個餸都係得1-2件，豬潤太粉；豬腸偏淋身；豬粉腸個人本身都一般般；豬肺偏向淋滑唔係爽脆；豬肚豬耳正常表現；豬脷韌左啲啲，豬肉青其實即係豬頸肉，都爽口。呢到個湯底係胡椒味，可以去左豬雜嘅So味，我飲落就係淡淡嘅胡椒味高湯底，冇話太特別太出，本身以為個胡椒味會勁出。個銀針粉口感好奇怪，唔係爽脆，入口每條銀針粉太粉感又淋。🔥胡椒湯雙拼米粉 $55★★★☆☆雙拼叫左豬肉丸、豬肺，米粉正常，係個質感本身就唔太吸湯汁。豬肉丸唔錯，有咬口得黎有豬肉味，唔會好粉感。豬肺乾淨帶啲啲軟骨，但係有某幾舊煮得太淋身，個人喜歡食爽身少少嘅豬肺。🔥炸門鱔魚皮 $30★★★★☆佢地自家製，炸好入袋，我見每枱都差唔多必點咁制，食落比一般出面嘅厚身好多倍，入口勁香脆。亦因為佢厚身

一試潮州粉麪-開到鰂魚涌咁霸氣，點都要去食下，佢地暖出名既係湯底-白胡椒豬肚湯，同埋睇左網上介紹佢地銀針粉係搵人特製（咁一定要點啦）於是當日我點左醉雞+湯銀針粉+墨魚頭+紫菜，再要左一枝唔熱既樽裝維他奶（我覺得好奇怪既一樣）醉雞食得出係誠意之作，佢整到皮是彈牙肉又嫩滑，而且睇到d骨是熟左（好驚血淋淋既雞骨），酒香都幾出（我仲撈左少少落湯）而湯銀針湯是配左白胡椒豬肚湯，佢地個湯一上已經幾濃胡椒味（正呀），飲落唔似味精似煲左好耐既豬骨湯，幾好飲，而銀針粉幾彈牙偏短身（幾好），佢地即煮所以所唔會淋哂/比水浸到有陣怪味。墨魚頭我覺得好彈牙同新鮮，不過聽講凍食仲正（我放左湯）紫菜又真係用返潮州菜個種紫菜唔會太幼有點闊度（感動，小編半個潮州人食到正野會暗開心）圖2係同事點既三併，試左粒牛丸都好juicy 好食😋唯一比較失分係支維他奶無熱飲🫠🫠🫠🫠🫠🫠否則都值得再幫襯鰂魚涌同灣仔有分店