碗碗香 (已結業)

大球场附近不嬲都多嘢食，今次就同朋友入咗呢一间餐厅度食嘢啱啱想问侍应攞餐牌，佢就递左张纸黎，上面有个QR code，估唔到连呢间小店到将餐牌电脑化。我哋叫咗一个清汤牛肉粉，一个卤香猪手粉，另外一人一杯苗香苦丁茶。苗香苦丁茶饮落第一啖会觉得带微苦，但系之后会觉得佢带甘香，配辣面食更可以解辣。老板娘仲话，呢款茶有清热解毒之效。之后就黎左个清汤牛肉粉同埋卤香猪手粉。听餐厅啲人讲，最正宗既食法系先饮一啖汤，再捞埋啲配料黎食。当食到一半既时候，更可以落啲小店自家制既手磋辣椒粉黎调味。至于招牌清汤牛肉面方面，牛肉嘅味香厚浓郁，同碗汤相得益彰，尤其以牛腱最好味。碗面一样煮得岩岩好，爽滑弹牙但系又索到啲汤，唔会嫌淡。食到咁上下仲可以加手搓辣椒粉添。卤香猪手粉个汤底浓郁。猪手整得很入味，皮有弹性，而且好冧。粉方面老板娘提过系贵州既家乡米粉，吸左汤汁，食落几好食。佢仲同我地讲话啲酸菜都系佢地自己浸，睇得出呢间小店放左唔少心血落去。落左辣椒粉之后即刻食到我流哂汗但系加左之后又真系多左一番风味！今餐我同朋友都食得好过瘾，而且价钱又唔算贵，更可以一尝贵州风味。