曲奇童話

营业中

休息中

仲有几个星期就到农历新年，我趁住呢个机会去咗曲奇童话买咗两盒佢哋新出嘅贺年产品。金狮献瑞呢盒曲奇都几有份量，一共有36片。口味方面，一共有八种口味，当中比较特别嘅我就觉得有够晒咸香嘅咸蛋芝士，充满特色嘅巴马火腿，带少少咸味嘅盐之花，合桃味浓郁嘅红枣山核桃等等。每一片曲奇都焗得好香脆，加上口味够晒多，啱晒唔同口味嘅人。金玉满堂呢盒份量虽然冇咁大，但有几款曲奇都几有特色，包括非常之酥脆嘅蝴蝶酥，朱古力味突出嘅金泊朱古力等等，都非常之啱我口味。其实我觉得曲奇童话对每款产品都有佢嘅执着喺度，曲奇嘅口味五花八门得来，每款都有佢独有嘅特色，呢两盒贺年曲奇我自己就觉得非常好味。