酒鍋 (V Point) (已結業)

今日同朋友嚟铜锣湾行街，行完之后谂住一齐打个靓边炉，最后决定嚟呢间环境好好嘅酒锅 。环境好靓，间隔疏落 坐得好舒服，而且仲有大玻璃，可以望到海景，呢个体验真系一流。汤底方面选择都好多，我哋拣咗抗疫先锋$288，有四格分别四款汤底，包括胡椒猪肚花胶鸡汤、杏汁白肺木瓜雪耳汤、麻辣汤、蕃茄红萝卜猪展汤，惹味得来好养生，每个汤底都有各自特色，味道好好同埋好多汤料添！先黎一个「猪」拼盘，围住成个炉，好靓！有成朵玫瑰花嘅猪肉片、手打虾丸墨鱼丸、黑松露猪肉饺、韭菜饺，卖相好靓而且质素好好。各款丸嘅味道同埋口感感觉都系比一般火锅店特别，真系有种手打嘅感觉。黄金炸鱼皮呢个炸鱼皮真系非一般嘅好味，炸到劲脆！脆卜卜，而且好重咸蛋黄味，虽然好邪恶但真系必点！开心小企鹅呢个卖相都几得意，因为我哋有小朋友，所以佢哋睇得开心又食得开，呢个小企鹅系墨鱼丸，口感都几弹牙，不错。顶级手切肥牛牛肉嘅质素真系好好，纹理分明，肥瘦平均，口感非常软嫩，牛味又够重！好正。最后我哋仲嗌左佢嘅竹蔗茅根同埋紫贝天葵，唔算甜，好好饮，呢餐火锅非常满足！