川府宴 (已結業)

之前喺度食过一次，亦都试过大坑小川屋嘅出品，印象中味道OK，今日中午走嚟食个午餐。点知畀肆应激到一肚气！！！话说间嘢午市本来就无乜人，我一点多啲上到去都系得三枱客。入到去肆应随手点咗我去角落一张枱。因为个位好暗，我坐咗去隔离张枱，即两张二人枱中间。肆应见到，态度非常恶劣地「勒令」我坐去对面两张四人枱中间嘅一张二人枱。𠮶两张四人枱当时系坐满的，我见好逼，就话唔想再逼入去。肆应好唔高兴，几乎系「闹」咁制，坚持要我坐去𠮶个位！仲口口声声话我呢张枱要留返有四人客嚟𠮶阵拼枱wor！呢位阿姐真系好想像，人都唔多个，仲喺度想像四人枱满座！结果我当然系即刻走。之后仲听到肆应喺背后大声闹我「痴线」。讲真，铜锣湾大把嘢食，少你一间又如何？你继续咁嘅态度赶客啦。早唔望你赶走嗮啲客折埋失业添啊！真心希望间嘢嘅老板可以见到呢段嘢，好好整顿下服务，整顿下啲赶客嘅员工。