一風堂 (朗豪坊) (已結業)

由于同朋友买左飞睇点半场，但我地去到朗豪坊已经一点，谂住食food court 但又见到太多人啦，所以就决定食一风堂啦!入到去已经一点三，我自己就叫左碗期间限定嘅横滨拉面，朋友就叫左碗白丸拉面。好彩野食黎得够快，呢碗新 • 横滨家系豚骨拉面嘅紫菜同埋厚切灸烧豚肉都有增量，紫菜比平时大四倍得黎保持到脆度，至于主角豚肉系用左猪腩肉既部位，比平时既叉烧大三陪，瘦肉同肥肉间隔分明，咬入口丰腴嘅油脂香同埋炭烧味令人食指大动，食完成旧都其实已经一半饱。而其他配菜有笋，葱粒，椰菜同埋溏心蛋。溏心蛋略嫌住得熟左少少，但味道方便卤得入味👍至于汤底同拉面，呢碗横滨拉面汤底系用左豚骨汤同埋鸡白汤嘅精华淆制而成，构成左双重层次味道，加上特制嘅中粗面条，挂汤能力提高，每啖都感受到汤底嘅浓厚。总括嚟讲，呢碗新出嘅新 • 横滨家系豚骨拉面性价比高，紫菜同叉烧增量之余保持到应有水准，十分值得推介!!