影片
更多
2024-11-12
83 浏览
正所谓不时不食，omakase好大嘅魅力就系不知不觉会试左好多自己平时唔会主动叫嘅野食，今晚又有好多惊喜。一般比较常食到浓味嘅黑梅贝煮，白梅贝简单调味，食到佢独有嘅清甜同香味，肝都好香回甘。海苔茶碗蒸嫩滑，海苔带来一丝海味。伊佐木柔软通透，新鲜甘甜，最惊艳嘅系酸汁入面嘅福冈葱，第一次感受到日本细葱嘅香气，同伊佐木一齐食加左唔少分。北海道秋刀鱼新鲜当造，口感幼嫩到好似bb秋刀鱼咁，同时油分十足，鱼香细致柔和，好易入口。烧帆立贝清甜，酱汁令人眼前一亮，紫洋葱同柠檬酱嘅组合好清新，突出左帆立贝嘅鲜味。炸春卷内有干坤，近乎100%松叶蟹肉，加少少蟹味噌同洋葱调味，可以话系我今晚最爱菜式。 春卷皮好薄，咬落去系满到毫无空隙嘅蟹肉，食落一啲都唔油腻，感觉就好似另一个形式嘅高级蟹肉天妇罗咁，非常出色。爱媛县蜜柑鲷用蜜柑果皮喂养，神奇地真系有淡淡蜜柑味，比一般鲷鱼更清新。赤贝好厚身，食到柠檬皮嘅清香。𫚕鱼轻轻烧过，鱼油丰盈，配柚子胡椒好解腻。蛇腹表面烧一烧，好似食紧肥猪肉咁柔软，非常满足，有冲动想加钱encore。真名鲣鱼皮烧到好似薯片咁脆，师傅叫我哋将烧鱼切碎捞饭，配合埋海苔、芝麻同调咗味粒粒分明嘅
一般比较常食到浓味嘅黑梅贝煮，白梅贝简单调味，食到佢独有嘅清甜同香味，肝都好香回甘。
海苔茶碗蒸嫩滑，海苔带来一丝海味。
伊佐木柔软通透，新鲜甘甜，最惊艳嘅系酸汁入面嘅福冈葱，第一次感受到日本细葱嘅香气，同伊佐木一齐食加左唔少分。
北海道秋刀鱼新鲜当造，口感幼嫩到好似bb秋刀鱼咁，同时油分十足，鱼香细致柔和，好易入口。
烧帆立贝清甜，酱汁令人眼前一亮，紫洋葱同柠檬酱嘅组合好清新，突出左帆立贝嘅鲜味。
炸春卷内有干坤，近乎100%松叶蟹肉，加少少蟹味噌同洋葱调味，可以话系我今晚最爱菜式。 春卷皮好薄，咬落去系满到毫无空隙嘅蟹肉，食落一啲都唔油腻，感觉就好似另一个形式嘅高级蟹肉天妇罗咁，非常出色。
爱媛县蜜柑鲷用蜜柑果皮喂养，神奇地真系有淡淡蜜柑味，比一般鲷鱼更清新。
赤贝好厚身，食到柠檬皮嘅清香。
𫚕鱼轻轻烧过，鱼油丰盈，配柚子胡椒好解腻。
蛇腹表面烧一烧，好似食紧肥猪肉咁柔软，非常满足，有冲动想加钱encore。
真名鲣鱼皮烧到好似薯片咁脆，师傅叫我哋将烧鱼切碎捞饭，配合埋海苔、芝麻同调咗味粒粒分明嘅饭，味道好有层次。
张贴
