影片
更多
2024-05-17
791 浏览
之前食过Chef Find 四手联乘德国菜，极挂住德国蛋面Spätzle，点知喺Chef嘅主场 @heimat.hk 更有惊喜！fine-dining 6 course meal 由头盘、主菜到juice pairing 我都好满意🥹佢嘅菜式用料唔系话最特别，但系食材配搭、烹调方式真系值得一赞！庆祝嘅话可以试呢间🥹❤️蓝龙虾配粟米冷盘冷盘已经俘虏咗我的心，罕有嘅蓝龙虾煮到medium rare，爽、嫩、带胶质，加上清甜嘅粟米蓉，仲有粟米脆脆，有多重口感！欣赏厨师冇放太多调味喺呢个头盘，完全食到龙虾同粟米本身嘅鲜甜！ 海鳟鱼配青豆汤一定系我饮过最好味嘅青豆汤！淡盐青豆汤再加上清新嘅薄荷，原来超级夹，草青味冇晒！而且汤嘅稀稠度啱啱好，唔会太稀，又唔会太重粉感。海鳟鱼经过香港Victoria Island Smokehouse 熏制，淡淡烟熏同青草香味形成奇妙嘅对比！德国蛋面Spätzle 绝对系家嫂最钟意嘅pasta！Spätzle面团嘅水、蛋同盐嘅份量比其他pasta高，所以单食已经好有蛋香，德式做法系仲会将蛋面煎香，外脆内软真系不得了，加上冇得输嘅忌廉蘑菇汁，成为我今餐嘅最爱！ 脆皮烤猪
蓝龙虾配粟米冷盘
冷盘已经俘虏咗我的心，罕有嘅蓝龙虾煮到medium rare，爽、嫩、带胶质，加上清甜嘅粟米蓉，仲有粟米脆脆，有多重口感！欣赏厨师冇放太多调味喺呢个头盘，完全食到龙虾同粟米本身嘅鲜甜！
海鳟鱼配青豆汤
一定系我饮过最好味嘅青豆汤！淡盐青豆汤再加上清新嘅薄荷，原来超级夹，草青味冇晒！而且汤嘅稀稠度啱啱好，唔会太稀，又唔会太重粉感。海鳟鱼经过香港Victoria Island Smokehouse 熏制，淡淡烟熏同青草香味形成奇妙嘅对比！
德国蛋面
Spätzle 绝对系家嫂最钟意嘅pasta！Spätzle面团嘅水、蛋同盐嘅份量比其他pasta高，所以单食已经好有蛋香，德式做法系仲会将蛋面煎香，外脆内软真系不得了，加上冇得输嘅忌廉蘑菇汁，成为我今餐嘅最爱！
脆皮烤猪腩肉
呢个猪腩肉又系不得了，德国进口猪经过腌制、烟熏、烤焗，外皮脆而有肉汁，睇片就知几Juicy，比德国猪手更出色！大厨Zhang酸菜酿入猪腩肉，再喺面加上芥末、红椒粉及藏茴香子，成个菜式烹调同调味都做得非常之好！
德式高丽菜肉卷
呢个暖心家庭式嘅德国菜，用咗香港家猪黑毛猪肉加上鲜味十足的汤汁，大厨话猪肉预先加盐同水快速搅拌，可以增加弹性，口感真系唔错，我蒸肉饼都要试吓！
士多啤梨蛋糕
士多啤梨有略略煮过，保持口感之余又可以增加甜味，芝士蛋糕味甜带云呢拿香，成个Menu都食到食材嘅原味！
最后我都几推荐大家试下juice pairing，第一次饮咁有层次嘅果汁，侍应介绍水果嘅选材都好讲究，果汁果味浓，而且充满蜂蜜同花香，虽然价钱少少贵，但系值得试！
6 Course Full Journey（$1,280）/
食物:❤️❤️❤❤❤️( 必食蛋面、猪腩！)
环境:❤️❤️❤❤❣️( 有空间感）
服务:❤️❤️❤️❤❤️(主动有礼貌)
价钱:❤️❤️❤❤️🤍(价钱对得起质素)
张贴
