Anyhow Bar & Restaurant (已結業)

喺facebook嘅大埔group见到有人介绍呢间餐厅，$88一个海胆饭，起初抱住一个贪小便宜嘅心态试下，讲真而家去茶记普通食个炒饭都要$60！我跟住大埔group个post叫左个海胆饭，猪鞍，同一个黑松露薯条！海胆饭一上台，真系冇揸流滩，我真系唔知佢有冇得赚，但话之佢，份量坚足，味道好！另外叫左个猪鞍，因朋友钟意，但自己本身少食猪，唔识评论，不过朋友十分欣赏，肉质系几嫩滑嘅！最后个薯条，真系真系坚唔错，薯条相对比麦记𠮶啲粗身，薯味超浓，加上芝士焗，配杯啤酒真系绝！间舖唯一一个缺点系人手不足，我当日去都有约8成入座，上菜较慢，但环境尚算舒适，服务良好，我本身又住大埔，系一间绝对值得支持嘅小店！