火土燒肉

今日终于book到另一间超人气餐厅。就系同营足四季一样以露营为主题嘅火土烧肉。位于K11嘅火土烧肉店布置好有特色，完全系参照露营嘅用品同枱凳而设计，好有风格。所有餐具都系露营用品，绝对是打卡餐厅😆今次我哋叫咗全牛特选拼盘（包括牛肋肉、牛舌、牛胸腹、牛三筋、雪花牛小排）肉嘅质素唔算非常差，但如果去其他烧肉店的话，呢个价钱可能已经可以食和牛，所以我嘅评语系普普通通啦。派对海鲜塔 (冷盘)(包括波士顿龙虾、熟虾、青口、蚬、翡翠螺)海鲜都几新鲜,卖相嘅都几精致，钟意海鲜嘅，我都觉得几好嘅。玉子海苔饭 我觉得牛角嘅紫菜饭好食好多，因为呢间嘅饭真系比较硬。铜锣烧 每边烧30秒，香脆好味。其实我觉得呢间真系一间环境几好的打卡餐厅，如果一班人有聚会开派对都几好嘅，不过真系有点贵同侍应有少少催促你走的感觉。