Baker by Lubuds

营业中

休息中

太古城超人气面包店，次次路过都系超级多人，所以一直都冇勇气去排队今朝早路过见到冇乜人，问咗店员乜嘢时段系最少人，佢答话系早上呢个时段，又撞啱蛋挞出炉，所以就排咗一阵，但系排队嘅时候店员系告知到我嘅位置未必会有蛋挞，所以我都系抱住一试嘅心态去排。我见到有机会买到蛋挞嘅系会比派白色纸筹号。而我系冇嘅。到我嘅时候仲有两个食，所以我就有得买啦 $12.1个酥皮底嘅蛋挞啱啱出炉，热辣辣酥皮好脆口蛋挞亦好滑唔会过甜，我觉得好味过另一间面包店。蛋挞系有三个出炉时段分别系9点12点同埋三点。 $18牛角酥排蛋挞嘅时候牛角包系未有嘅，我食完个蛋挞又系见冇乜人再排多次队。今次有牛角酥，最后三个，我买左两个不过牛角酥系有再继续出炉嘅，店员喺厨房𠮶度再攞咗两盘出嚟。呢个牛角酥系我食过最好味嘅，佢保持挺身胀卜卜，佢嘅千层系非常之明显，咬落去系有蜂巢嘅。包嘅表面系游咗少少糖，所以系少少甜甜地。咁嘅质素系非常高质。