牛站(駅)麻辣火鍋放題

营业中

休息中

FD话要食火锅放题，会拣嘅一定要拣牛站。旺角哩间劲full，唔想排队，一定要提早book好位啦。药膳牛骨汤，打边炉前要先饮碗汤。落咗大量药材同牛骨煲制，饮落汤底回甘伴有浓郁药膳香。珍珠奶茶，虽然牛站清酒等饮品任饮，不过佢嘅珍珠奶茶系我最爱，奶味浓郁丝滑，珍珠Q弹。麻辣小龙虾，前菜极其丰富，其中小龙虾必食。小龙虾麻辣惹味，虾肉鲜甜。SRF美国极黑牛，第一波叫咗数款肉类同海鲜。SRF美国极黑牛肥瘦相间，雪花分明。微烫10秒已经可以食，入口软嫩，好重奶香味。花雕醉鸡翼，预先用花雕酒研制过，入口花雕浓郁，肉质紧实。烧乳鸽皇，乳鸽火候不错，皮脆肉仲好juice，好味。台湾水莲，出面柜台提供大量火锅配料，台湾水莲比较少见，食落脆口鲜甜。哈根达斯，食得再饱都要食埋D甜品。台湾芋圆同伯爵茶布丁必选，芋圆Q弹，布丁入口即化。哈根达斯奶味香浓，食多几杯已经回本。