影片
更多
2022-10-07
47 浏览
好耐之前已经听过呢间良心串烧店好高质，但长期多人排队，次次都食唔到🫣 前排早咗收工，终于食到☺️ 佢嘅串烧分有唔同style，港式、西式、日式、仲有佢嘅自家产品等等😋 即刻睇下👇🏻🔸 鸡皮墨鱼滑 $38 推❗️呢个系佢嘅自家制菜式，好新奇，第一次食🤣 而不嬲唔好鸡皮嘅我竟然觉得好好食！脆脆哋嘅鸡皮包住爽口弹牙嘅墨鱼滑，非常夹，创新得嚟又好味😋🔸 焦糖青苹果鹅肝多士 $88 推❗️呢个应该系呢度嘅名物，见到每枱都有嗌，虽然有啲贵，但真系冇嗌错！ 鹅肝大大块，满满嘅油脂好香，再配上焦糖化嘅青苹果，口感一软一硬，超级正😍🔸 提灯 $38第一次试提灯，佢系鸡嘅输卵管，口感较烟韧，顶顶仲有未生成蛋壳嘅蛋黄部分，蛋味劲浓郁，外型亦十分得意🤣 而且好矜贵，每只鸡只有一串咋，未试过嘅都可以试试佢😳🔸 厚切盐烧牛舌腩 $48牛舌都几厚身，嫩口得嚟但又带少少爽口，烧得啱啱好，简简单单咁加上黑椒同柠檬汁，惹味满分😋🔸 汁烧免治鸡肉软骨棒(付月见) $38通常去食居酒屋/串烧都会嗌嘅菜式！口感几唔错，软骨多少少会再好啲，同埋用上日本鸡蛋，蛋味劲香，不过加埋成个酱汁就偏咸少少🤏🔸 盐烧A4宫崎和牛 $58 推❗️
🔸 鸡皮墨鱼滑 $38 推❗️呢个系佢嘅自家制菜式，好新奇，第一次食🤣 而不嬲唔好鸡皮嘅我竟然觉得好好食！脆脆哋嘅鸡皮包住爽口弹牙嘅墨鱼滑，非常夹，创新得嚟又好味😋
🔸 焦糖青苹果鹅肝多士 $88 推❗️呢个应该系呢度嘅名物，见到每枱都有嗌，虽然有啲贵，但真系冇嗌错！ 鹅肝大大块，满满嘅油脂好香，再配上焦糖化嘅青苹果，口感一软一硬，超级正😍
🔸 提灯 $38第一次试提灯，佢系鸡嘅输卵管，口感较烟韧，顶顶仲有未生成蛋壳嘅蛋黄部分，蛋味劲浓郁，外型亦十分得意🤣 而且好矜贵，每只鸡只有一串咋，未试过嘅都可以试试佢😳
🔸 厚切盐烧牛舌腩 $48牛舌都几厚身，嫩口得嚟但又带少少爽口，烧得啱啱好，简简单单咁加上黑椒同柠檬汁，惹味满分😋
🔸 汁烧免治鸡肉软骨棒(付月见) $38通常去食居酒屋/串烧都会嗌嘅菜式！口感几唔错，软骨多少少会再好啲，同埋用上日本鸡蛋，蛋味劲香，不过加埋成个酱汁就偏咸少少🤏
🔸 盐烧A4宫崎和牛 $58 推❗️
真系一分钱一分货，呢个和牛真系好好食🤤 牛味浓郁，肉质好嫩，而且油脂分泌刚好，食落充满油香但又唔会太油腻，推荐👍🏻
🔸 惹味咸蛋黄猪大肠 $24
一见到呢个菜式名，就知道佢系自家制嘅烧物！从来冇谂过两样咁邪恶嘅嘢，竟然可以combine埋一齐变成终极邪恶体😈 虽然佢够晒恶，但真系好惹味！咸蛋黄系流沙texture，猪大肠烧得好香口，不过唔建议食太多，因为食耐咗都会有少少腻🫣
🔸 牛油果豚肉卷 $28
又一特别之作！竟然牛油果都拎去烧，而烧过之后嘅牛油果有啲太腍，不过个味都唔错，再加上章鱼烧嘅酱汁同面头嘅紫菜碎，有少少好似食紧章鱼烧咁🤣
🔸 孜然烧蒜茸茄子 $36 推❗️不嬲都冇话劲好烧茄子，不过一场嚟到就试吓佢，估唔到又有惊喜收获！呢到烧到劲腍，蒜茸又落到好足，每条茄子肉都好入味好正😍
🔸 盐烧椰菜仔 $20
椰菜仔平时都好少食，今次仲要系烧嘅，当然要嗌下！骤眼睇烧得㶶咗少少，不过好钟意个口感，好爽口，都唔错！
🔸 盐烧白鳝 $48又一串烧至爱，白鳝爽口弹牙，几鲜味😋 但稍嫌烧得有啲太干身🤔
🔸 明太子淮山烧 $26
明太子控应该好钟意😳 明太子铺满咗淮山片，咸咸香香再配上清清哋嘅淮山，好夹好惹味🤤
🔸 蜜糖烧菠萝 $18菠萝烧到好吸引，面头搽上蜜糖，所以外皮好脆，内里又好多汁好甜，一啲渣都冇，好高质👍🏻
🔸 牛油蜜糖日本蕃薯条 $38又一邪恶之选！望住一大块牛油系热辣辣嘅蕃薯条上面溶化，有种治愈嘅感觉！牛油蜜糖嘅配搭咁经典，点会唔好食😝
🔸 明太子烧饭团 $38最后一道菜式以烧饭团作结，又系拣咗明太子味🤤 饭团要自己包上紫菜，饭团烧到有少少饭焦，再夹埋超脆嘅紫菜，超夹😋
🔸 七宝生啤 $48生啤依家做紧买一送一优惠！同一大班friend一齐食嘢吹水，嗌佢就啱哂😎
总括而言，呢间串烧店真系好唔错😌 佢嘅串烧配搭咩种类都有，仲有啲好有创意嘅，好似咸蛋黄猪大肠同鸡皮墨鱼滑咁😝 面且价钱合理，绝对值得一试！
张贴
