海港酒家

营业中

休息中

话说前一个星期六老爸来过这里饮过中午茶，觉得嘢食、地方都唔错，决定于佢生日前一日摆三围午宴邀请亲戚做生日。周日，超多人。好彩有预位，订了三围超值全包宴$1998，非常抵食: -鸿运乳猪全体上汤焗虾球伊面浓汤花胶煲螺头杏香百花球原只鲍鱼烩花菇西兰花炒龙趸球清蒸龙趸头腩脆皮酱烧鸡欢乐大蟠桃啤酒二支 (可转汽水)，橙汁二渣【鸿运乳猪全体】虽然系BB猪，但系皮下脂肪都好多，味道一般般。【上汤焗虾球伊面】汤底几鲜味，虾球数量好多，每人可以分到两只。至于伊面份量就唔多够。【浓汤花胶煲螺头】花胶螺头预咗系普通货色，但系个汤都煲得够火喉，都几好饮。一大煲，可以分到15碗。【杏香百花球】一碟18粒，好意头。杏仁碎香脆，虾肉球𪪼牙，中间的沙律菜加咗芝麻酱，小朋友至爱，争住食。【原只鲍鱼烩花菇】老爸至爱呢味，因为佢钟意食鲍鱼。鲍鱼、花菇都好大只，肉又厚。【西兰花炒龙趸球】份量都足，龙趸肉起球香煎，坐在我隔篱的姨妈赞好食。【清蒸龙趸头腩】件件都大件、肉多，蒸得啱啱好。有金菇垫底，爽爽地，又嗦咗啲豉油鱼汁，都好味。【脆皮酱烧鸡】皮薄，皮脆，肉多，唔肥，不过无咩鸡味。【欢乐大蟠桃】压轴出场系大寿包，一笼12个。好